मुंबई: ३० वर्षीय इंतिझार हा उत्तर प्रदेशातील रामपूरचा रहिवासी आहे. त्याला सीमाशुल्क अधीक्षक वेणुगोपालन यांनी छत्रपती शिवाजी महाराज आंतरराष्ट्रीय विमानतळवर पकडले. विशिष्ट माहितीच्या आधारे, AIU, कस्टम्स, मुंबईद्वारे CSMI विमानतळावर या प्रवाशाला काही प्रतिबंधित वस्तू लपविण्याच्या संशयावरून अटक करण्यात आली. यानंतर त्याला अस्वस्थता वाटत होती. सतत चौकशी केल्यावर प्रवाशाने कबूल केले की, त्याने काही प्रतिबंधित पदार्थ म्हणजे सोने खाल्लेले आहे.
तीन दिवसांपासून सोने पोटात: डॉ. अजय भंडारवार यांच्या अधिपत्याखाली सोने तस्करावर उपचार करण्यात आले. 'रेडिओलॉजिकल रिपोर्ट'मध्ये प्रवाशाच्या आतड्यात अनेक धातूच्या वस्तू असल्याचे दिसून आले. ही एक वेगळी घटना होती; कारण रुग्ण आतड्यात सोन्याच्या छोट्या पट्ट्या घेऊन जात होता. ज्या 3 दिवसांपासून अडकल्या होत्या. अशा प्रकरणांमध्ये प्रवाशाला आतड्यांसंबंधी अडथळे निर्माण होऊ शकतात. शस्त्रक्रिया करता येत नाही. तस्कराने सोन्याचे सात तुकडे प्लास्टिकचे वेष्टन लावत गिळले होते.
नैसर्गिक विधीमार्फत सोने काढले: रुग्णालयाच्या सर्जरी विभागात दाखल केल्यानंतर तस्कर इंतिझारचा 'एक्स-रे' काढण्यात आला. त्यात त्याची तस्करी उघड झाली. त्याला सलग तीन दिवस 'हाय फायबर डाएट' दिला गेला. त्यात दररोज एक डझन केळी खायला देण्याचा समावेश होता, अशी माहिती डॉ. अजय भंडारवार यांनी ईटीव्ही भारतशी बोलताना दिली. त्यानंतर अखेरीस गुरुवारी नैसर्गिक विधीमार्फत प्रवाशाने पोटात लपविलेले सर्व सोन्याचे तुकडे प्राप्त झाले. 240 ग्राम वजनाचे हे सोने कस्टम अधिकाऱ्यांकडे सुपुर्द करण्यात आल्याची माहिती जे.जे.च्या सर्जरी विभागाचे प्रमुख डॉ. अजय भंडारवार यांनी दिली.
हेही वाचा:
- Vande Bharat Express : गोव्याला जाणाऱ्यांसाठी आनंदाची बातमी; लवकरच धावणार मुंबई-गोवा मार्गावर 'वंदे भारत एक्स्प्रेस'
- MLAs Disqualification : सेनेचे 16 आमदार अपात्र ठरले तर सरकार कोसळेल; जयंत पाटलांचे विधान, अजितदादाचे गणित मात्र वेगळेच
- Consumer Forum Order: विमा कंपनीला ग्राहक मंचाचा दणका; कोविड रुग्णाला ३ लाख ४३ हजार नुकसान भरपाई देण्याचे आदेश
