मुंबई : अंडरवर्ल्ड डॉन दाऊद इब्राहिमचा साथीदार छोटा शकीलचा मेव्हणा सलीम फ्रुटसह (Bail To Salim Fruit) इतर चार आरोपींना मुंबई महानगर दंडाधिकारी न्यायालयातून फसवणूक आणि खंडणी प्रकरणात जामीन मिळाला (five accused released on bail) आहे. आरोपी विरोधात 25 कोटी रुपयांची जमीन हडप (Property usurpation) केल्या प्रकरणात खंडणी विरोधी पथकाने 2016 मध्ये गुन्हा दाखल केला होता. (Mumbai Crime) आरोपींनी दक्षिण आफ्रिकेतील व्यापारी अहमद लांबट यांची जमीन हडप केली होती. (Latest news from Mumbai)
पाच गुन्ह्यांपैकी पहिलेच प्रकरण: मुंबई पोलिसांच्या खंडणी विरोधी कक्षाने 27 नोव्हेंबरला बिल्डर अस्लम पटनी, शेरजादा जांगरेज खान, मुस्लिम असगर अली उमरतवाला, रिजवान शेख आणि अंडरवर्ल्ड डॉन शकीलचा मेहुणा सलीम फ्रूट यांना अटक केली आहे. या सर्व आरोपींविरोधात आयपीसी कलमांतर्गत फसवणूक, खंडणी आणि गुन्हेगारी कट रचल्याचा आरोप ठेवण्यात आला आहे. पाच गुन्ह्यांपैकी हे पहिलेच प्रकरण आहे. ज्यात सलीम फ्रुटला जामीन मिळाला आहे. या फसवणुकीशी आपला काहीही संबंध नसल्यामुळे आपल्याला या प्रकरणात अडकवण्यात आल्याचा आरोप पाटणी यांनी केला आहे.
काय आहे प्रकरण?
सलीम फ्रूट यांच्या पत्नीला त्यांनी आपले शेअर्स विकले ही त्यांची चूक असल्याचा युक्तिवाद त्यांच्या वकिलाने केला. ही तक्रार दक्षिण आफ्रिकेतील व्यापारी अहमद लांबट यांच्याशी संबंधित आहे ज्याने आरोप केला आहे की त्यांचे काका इब्राहिम लांबट आणि काही चुलत भावांनी सलीम फ्रूटशी संगनमत करून 2016 मध्ये 25 कोटी रुपयांची दक्षिण मुंबईत वडिलांची मोठी इमारत खरेदी केली होती. तसेच मृत वडिलांच्या बोगस सह्या करून त्यांची फसवणूक केली. दक्षिण मुंबईतील बाबुला टँक रोडजवळ उमरखाडी येथे 2006 मध्ये अहमद यांच्या वडिलांचे निधन झाले. त्याच्या वडिलांनी या मालमत्तेची देखभाल करण्याचे काम शब्बीर आणि युसूफ करोलिया यांना दिले होते. अहमदची बहीण सलीमा 2016 मध्ये भारतात आली तेव्हा ती करोलियास भेटली आणि तिने तिला कळवले की तिच्या वडिलांनी 2011 मध्ये ही मालमत्ता विकली होती.
