अंधेरीत गॅस सिलिंडरच्या गळतीमुळे इमारतीला आग

आगीची माहिती मिळताच अग्निशमन दल, फायर इंजिन, रुग्णवाहिका घटनास्थळी दाखल झाले. दुपारी 12 वाजता आगीवर नियंत्रण मिळवण्यात यश आले आहे.

मुंबई - अंधेरीतील यारी रोड परिसरात असलेल्या निवासी इमारतीत आग लागल्याची घटना घडली. सरिता असे इमारतीचे नाव आहे. या इमारतीच्या चौथ्या मजल्यावर सिलिंडर गळतीमुळे सकाळी 11 वाजून 22 मिनिटांच्या सुमारास आग लागली.

या आगीत कोणीही जखमी झाले नाही. ही इमारत ही तळमजल्यासह 6 मजली आहे. आगीची माहिती मिळताच अग्निशमन दल, फायर इंजिन, रुग्णवाहिका घटनास्थळी दाखल झाले. दुपारी 12 वाजता आगीवर नियंत्रण मिळवण्यात यश आले आहे.