कोल्हापूर- करवीर तालुक्यातील केर्ले येथे असणाऱ्या वीज वितरण केंद्रावर ५ एमव्हीए क्षमतेच्या २ ट्रान्सफॉर्मरला भीषण आग लागली. या आगीमध्ये जवळपास ५० ते ६० लाखांचे नुकसान झाले आहे. विजेचा दाब अचानक वाढल्याने ट्रान्सफॉर्मरवर ठिणग्या पडल्या, त्यामुळे ही आग लागल्याचे सांगण्यात आले आहे.
अग्निशमन दलाच्या जवानांनी शर्तीचे प्रयत्न करत ही आग आटोक्यात आणली आहे. या उपकेंद्रातून परिसरातील गावांमधील घरांना आणि शेती पंपाना विजपुरवठा केला जातो. पण, ट्रान्सफॉर्मरला अचानक लागलेल्या आगीमुळे ५ ते ६ तास गावांमधील वीजपुरवठा खंडित करण्यात आला होता.
हेही वाचा- किराणा, औषध दुकाने सकाळी 9 ते रात्री 9 चालू ठेवा : दैलत देसाई
