मंत्री अब्दुल सत्तारांची टोपी उतरवणार; शिवसैनिकांचा युवासेनेच्या मेळाव्यात निर्धार

जोपर्यंत खासदार दानवे यांना पाडत नाही, तोपर्यंत डोक्यावरची टोपी काढत नाही "असा पण केला. त्यामुळे सत्तार यांच्या डोक्यावरची टोपी काढण्यासाठी खासदार दानवे यांना पाडणे गरजेचे आहे आणि त्यांना पाडण्यासाठी अर्जुन खोतकर यांना निवडून आणणे देखील गरजेचे आहे. म्हणून मंत्री अब्दूल सत्ताराच्या डोक्यावर टोपी आहे.

जालना - शहरात शिवसेनेच्या वतीने बुधवारी युवा मेळाव्याचे आयोजन करण्यात आले होते. ग्राम विकास राज्य मंत्री अब्दुल सत्तार यांची या कार्यक्रमाला प्रमुख उपस्थिती होती. युवासेनेच्या या कार्यक्रमात मात्र मंत्री सत्तार यांच्या टोपीचा किस्सा चांगलाच चर्चेला आला होता. सत्तार यांच्या डोक्यावरची टोपी उतरवण्यासाठी शिवसैनिकांनी आता तयारीही सुरू केली आहे.

या कार्यक्रमावेळी महिला आर्थिक विकास महामंडळाच्या अध्यक्ष ज्योती ठाकरे, माजी मंत्री अर्जुनराव खोतकर, युवा सेनेचे विस्तारक अभिमन्यू खोतकर, जिल्हाप्रमुख भास्कर आंबेकर .आदी मान्यवरांची देखील यावेळी उपस्थिती होती.

टोपीचे रहस्य-

लोकसभेच्या निवडणुकीपूर्वी माजी मंत्री अर्जुनराव खोतकर यांनी लोकसभा लढविण्याची तयारी केली होती. आयत्या वेळी खासदार रावसाहेब दानवे यांच्यासोबत जुळते घेत त्यांनी माघार घेतली होती. त्याबदल्यात विधानसभेच्या निवडणुकीत रावसाहेब दानवे अर्जुन खोतकर यांना मदत करणार होते. मात्र ती न केल्याने अर्जुनराव खोतकर यांचा पराभव झाला. हा पराभव अब्दुल सत्तार यांच्या जिव्हारी लागला आणि त्यांनी "जोपर्यंत खासदार दानवे यांना पाडत नाही, तोपर्यंत डोक्यावरची टोपी काढत नाही "असा पण केला. त्यामुळे सत्तार यांच्या डोक्यावरची टोपी काढण्यासाठी खासदार दानवे यांना पाडणे गरजेचे आहे आणि त्यांना पाडण्यासाठी अर्जुन खोतकर यांना निवडून आणणे देखील गरजेचे आहे. म्हणून मंत्री अब्दूल सत्ताराच्या डोक्यावर टोपी आहे.

शिवसैनिकांचा युवासेनेच्या मेळाव्यात निर्धार

तीन वर्षे चार महिने बाकी-

मंत्री अब्दुल सत्तार यांच्या डोक्यावरील टोपी काढण्यासाठी अजून तीन वर्षे चार महिने बाकी आहेत. त्यासाठी शिवसैनिकांनी तयारीही सुरू केली आहे. यावेळी डोक्यावरची टोपी काढल्याशिवाय शिवसैनिक शांत राहणार नाहीत, असा विश्वास माजी मंत्री अर्जुन खोतकर आणि मंत्री अब्दुल सत्तार यांनी व्यक्त केला. दोघांचाही शत्रु एकच आहे. त्यामुळे आता या शत्रूला थारा नाही, असा इशाराही दोघांनी या मेळाव्यात दिला.

ज्योती ठाकरे -

आत्तापर्यंत ग्रामपंचायत ताब्यात घेण्याची शिवसेनेला कधीही गरज वाटली नाही, मात्र आता विकासाचा कणा हा ग्रामपंचायत आहे. त्यामुळे आधी ग्रामपंचायत, मग पंचायत समिती नगरपालिका, महानगरपालिका, जिल्हा परिषद, त्यानंतर आमदार, खासदार अशा पद्धतीने शिवसेना निवडणूक रिंगणात उतरली आहे. त्यासाठी शिवसेनेने तयारीदेखील सुरू केली असल्याची माहिती महिला आर्थिक विकास महामंडळाच्याअध्यक्ष ज्योती ठाकरे यांनी दिली. यावेळी शिवसेनेचे जिल्हाप्रमुख भास्करराव आंबेकर, युवासेना विस्तारक अभिमन्यू खोतकर यांच्यासह अन्य मान्यवरांची देखील समयोचित भाषणे झाली.