गोंदिया -रेल्वेने दारुची तस्करी करून दारुबंदी असलेल्या चंदपूर जिल्ह्यात नेणाऱ्या 3 आरोपींना गोंदियाच्या रेल्वे पोलिसांनी अटक केली आहे. पोलिसांनी आरोपीकडून २५ हजार किंमतीचे ५८५ नग देशी दारू जप्त केली आहे.
दारू तस्करी करणारे तिघे अटकेत
भंडारा जिल्ह्याच्या साकोली सौंदडवरुन ३ आरोपी मोठी बॅग घेऊन गोंदिया बल्लारशहा गाडीत चढताना दिसले. त्यांना हटकले असता, ते उडवा-उडवीची उत्तरे देत होते. त्यांच्या उत्तरामुळे पोलिसांचा संशय वाढला. पोलिसांनी त्यांच्याजवळील सामानाची तपासणी केली असता, त्यांच्याजवळ ५८५ नग देशी दारू (किंमत २५ हजार रुपये) जप्त करण्यात आहे. या तिन्ही आरोपीला अटक करून त्यांच्यावर गुन्हा दाखल करण्यात आला.
