गोंदिया - माजी सामाजिक न्याय मंत्री राजकुमार बडोले यांच्या सडक-अर्जुनी गावात मुख्यमंत्री देवेंद्र फडणवीस यांना राष्ट्रवादी काँग्रेसच्या कार्यकर्त्यांनी काळे झेंडे दाखविले आहेत. मुख्यमंत्री महाजनादेश यात्रेच्या माध्यमातून जिल्ह्याच्या दौऱ्यावर आले आहेत. त्यावेळी हा प्रकार घडला.
मुख्यमंत्र्यांच्या सुरक्षेबाबत प्रश्नचिन्ह उपस्थित -
मुख्यमंत्री यांच्या महाजनादेश यात्रेदरम्यान जिल्ह्यात गोरेगाव या ठिकाणी कुठलीही परवानगी नसताना ड्रोन कॅमेरा उडविण्यात आले आहेत. या प्रकरणात अजून कोणतीही कारवाई करण्यात आलेली नाही. त्यामुळे पोलीस प्रशासन किती गंभीर आहे, ते या प्रकरणातून दिसून येत आहे.
गोंदिया जिल्हा हा नक्षलग्रस्त जिल्हा असून जिल्ह्याच्या सीमेला लागून छत्तीसगड राज्य आहे. त्या ठिकाणी काल (शनिवारी) सुरक्षा बल व नक्षलवाद्यांध्ये चकमक झाली. त्यामध्ये 7 नक्षलवाद्यांना सुरक्षा बलाने कंठस्थान घातले. म्हणून या यात्रेदरम्यान ही मुख्यमंत्र्यांच्या सुरक्षेच्या दृष्टीकोणातून पोलीस प्रशासनाच्या सतर्केतेबाबत प्रश्नचिन्ह उपस्थित केले जात आहे.
