बीड - कोरोनाचा वाढता प्रभाव पाहता दिवसेंदिवस कोरोना रूग्णांची संख्या वाढत आहे. सध्या देशात कोरोना लसीकरणही मोठ्या प्रमाणात सुरू आहे. जिल्ह्याचे आमदार सुरेश धस यांनीही सोमवारी आपल्या आईसोबत जिल्हा ग्रामीण रुग्णालयामध्ये कोरोना लस घेतली.
शहरात दिवसेंदिवस कोरोनाची रुग्ण संख्या वाढत असून, व्यापा-यांनी तसेच नागरीकांनीही स्वतःसह परिवाराची काळजी घ्यावी. तसेच नियमित तोंडाला मास्क बांधणे, वेळोवेळी हात धुणे आणि शासनाच्या नियमाचे पालन करणे गरजेचे असल्याचेही त्यांनी यावेळी बोलताना सांगितले.
नागरिकांनी कसलीही भीती वा शंका न बाळगता आवर्जून ही लस घ्यावी जेणेकरुन कोरोनाचा प्रसार रोखण्यास मदत होईल, असे आवाहनही त्यांनी यावेळी केले.
