बीड- जिल्ह्यातील अंबाजोगाई येथील स्वामी रामानंद तीर्थ वैद्यकीय महाविद्यालयातील मुलांच्या वसतिगृहाच्या दुसऱ्या मजल्यावरुन पडून भावी डॉक्टर जखमी झाला आहे. ही घटना बुधवारी रात्री घडली. गगन सुरजभान सिंगला (वय 21, रा. पंजाब) असे या विद्यार्थ्याचे नाव आहे.
हेही वाचा - आशा सेविकांचा वेतनवाढीसाठी बीड जिल्हाधिकारी कार्यालयावर एल्गार!
स्वाराती वैद्यकीय महाविद्यालय परिसरातील कोंढाणा वसतिगृहात तो राहत होता. बुधवारी रात्री 8.30 वाजण्याच्या सुमारास गगन वसतिगृहाच्या गच्चीवर कानात हेडफोन लावून गाणी ऐकत शतपावली करत होता. त्यावेळी अंधाऱ्या भागात तो कठड्याजवळ आला असता, अचानक तोल गेल्याने तो खाली पडला आणि जबर जखमी झाला. गगन याच्या आई-वडिलांना संबंधित घटनेची माहिती देण्यात आली असून तो सध्या एमबीबीएसच्या अंतिम वर्षात शिकत आहे.
