अमरावती- घडलेला प्रकार अत्यंत दुर्दैवी असून राज्य सरकारने कठोर पाऊल उचलणे गरजेचे आहे. आरोपीला शिक्षा होण्यासाठी एका महिन्यात निकाल लागेल असा कायदा तयार करण्यासाठी सरकारने पाऊले उचलावी. आम्हीही हा मुद्दा केंद्रात उचलून धरू अशी प्रतिक्रिया अमरावतीच्या खासदार नवनीत राणा यांनी दिली.
एका महिन्यात निकाल लागेल असा कायदा करा - नवनीत राणा
हिंगणघाट जळीतकांडातील पीडित तरुणीची अखेर मृत्यूशी झुंज संपली आहे. सोमवारी पहाटे साडेचार वाजण्याच्या सुमारास पीडितेला ह्रदयविकाराचा झटका आला. अखेर सकाळी 6 वाजून 55 मिनिटांनी तिची प्राणज्योत मालवली. जिल्ह्यातील हिंगणघाट येथील नांदोरी चौकात सोमवारी (३ फेब्रुवारी)ला प्राध्यापिकेला पेट्रोल टाकून जाळण्यात आले होते. यामध्ये ती ४० टक्के भाजली होती. तसेच तिचा चेहरा, श्वसननलिका पूर्णपणे जळाली होती. तिच्यावर नागपुरातील ऑरेंज सिटी रुग्णालयात उपचार सुरू होते.
