नवी दिल्ली : यश धुल आजारी पडल्याने दिल्लीच्या संघाला मोठा फटका बसला आहे. आजारी असल्याने दिल्लीचा कर्णधार धूल हा मंगळवारपासून सुरू होणाऱ्या कट्टर प्रतिस्पर्धी मुंबईविरुद्धच्या ब गटातील लढतीतून बाहेर पडला आहे. दिल्लीच्या संघाकडून कर्णधार यश धुलच्या अनुपस्थितीत उपकर्णधार हिंमत सिंग हा दिल्लीचे नेतृत्त्व करत आहे. तर माजी कर्णधार नितीश राणा याला ऐनवेळी संभाव्य पर्याय म्हणून परत बोलावण्यात आले आहे.
पाच सामन्यात १८९ धावा: दिल्ली विरुद्ध मुंबई ही लढत नेहमीच रणजी करंडक स्पर्धेतील सर्वात महत्त्वाची असते. पण दिल्ली संघ पाचव्या स्ट्रिंग बॉलिंग आक्रमणासह यंदाच्या सामन्यात खेळत आहे. अनुभवी अजिंक्य रहाणेच्या नेतृत्वाखाली मुंबई संघ मैदानात उतरला आहे. पाच सामन्यांमध्ये कर्णधार धूल याने 189 धावा केल्या आहेत. डावाची सुरुवात करण्यासाठी संघ व्यवस्थापनाकडून वारंवार त्याला विनंती करण्यात येत होती. मात्र संघाच्या विनंतीला त्याने नकार दिल्याने प्लेईंग इलेव्हनमध्ये त्याचे स्थान बदलण्यात आले होते.
त्यामुळे राणाला परत बोलावले: तो आजारी पडला असल्याने त्याला सध्या ताप आलेला आहे. त्यामुळे तो आजच्या सामन्यासाठी खेळणार नाही. गेल्या दोन दिवसांपासून त्याने सराव केला नाही. त्यामुळे दिल्लीच्या संघाला राणाला परत बोलावावे लागले. त्याला परत बोलावण्याशिवाय त्यांच्याकडे कुठलाही पर्याय उपलब्ध नव्हता असे अधिकाऱ्याने यावेळी सांगितले. कर्णधार रहाणेला माहित आहे की, आजचा दिल्लीविरुद्धचा सामना सोपा जाणार आहे. परंतु अंतिम सामन्यात प्रवेश मिळवण्यासाठी आजच्या सामन्यात मुंबईच्या संघाला पहिल्या डावात आघाडी मिळवण्याची गरज आहे.
एकावेळी एकच सामन्यावर लक्ष: सामन्याच्या पूर्वसंध्येला नेट सत्रानंतर रहाणे म्हणाला की, दिल्ली ज्या टप्प्यातून जात आहे तो कोणताही संघ जाऊ शकतो. विरोधक म्हणून आम्ही त्यांना हलके घेत नाही. आमचा फोकस एकावेळी एकच सामना खेळण्यावर आहे. गेल्या पाच सामन्यांमध्ये जे घडले ते भूतकाळात गेले आहे. मागील सामन्यांमधून आत्मविश्वास घेणे आणि त्या सामन्यात येणे महत्त्वाचे आहे, असे रहाणेने आसामविरुद्ध आपल्या संघाच्या मोठ्या विजयाचा उल्लेख करताना सांगितले.
मुंबईचा संघ अनुभवी: कोअर टीम तरुण आणि 25 वर्षांखालील असली तरीही या संघाचे वैशिष्ट्य म्हणजे हा संघ अनुभवी असा आहे. खेळाडू खूप अनुभवी आहेत. काही वर्षांपूर्वी संघ अत्यंत नवीन होता. हे लोक चार पाच वर्षे खेळले आहेत आणि त्यांना एफसी क्रिकेटमध्ये कसे खेळायचे आहे याची जाणीव आहे. वैयक्तिकरित्या, मी प्रत्येक गटातील प्रत्येक व्यक्तीला पाठिंबा देण्यावर विश्वास ठेवतो, असे रहाणेने यावेळी बोलताना सांगितले. संघातील खेळाडू आत्मविश्वासू आहेत. कारण संघ त्यांना कायमच प्रोत्साहित करत आला आहे. स्पर्धा या सामूहिक योगदानाने जिंकल्या जातात, एकट्याने नाही, असेही तो म्हणाला.
