लंडन - भारत आणि इंग्लंड यांच्यातील पहिल्या कसोटी सामन्यात अंतिम दिवशी पावसाने खोडा घातला. यामुळे हा सामना ड्रॉ राहिला. आता उभय संघातील दुसरा कसोटी सामना उद्या गुरूवारपासून लॉर्ड्सवर रंगणार आहे. हे ते मैदानात आहे जिथे इंग्लंड संघाचे प्रभुत्व राहिलं आहे. यामुळे भारतीय संघाला या सामन्यात दमदार खेळ करावा लागणार आहे.
इंग्लंडविरुद्ध पहिल्या सामन्यात भारतीय संघ चार वेगवान गोलंदाजासह मैदानात उतरला होता. जसप्रीत बुमराह, मोहम्मद सिराज, मोहम्मद शमी, शार्दुल ठाकूर ही ती चौकडी होती. तर रविंद्र जडेजाच्या रुपाने एक फिरकीपटू होता. परंतु काही लोकांना आर अश्विनला अंतिम संघात स्थान न दिल्याने आश्चर्य व्यक्त केलं होतं. पण आता शार्दुल ठाकूरला दुखापत झाल्याचे समोर आले आहे. यामुळे आर अश्विनला दुसऱ्या कसोटी सामन्यात संधी मिळू शकते.
पहिल्या कसोटी सामन्याच्या पहिल्या डावात भारतीय फलंदाजांचे प्रदर्शन काही खास नव्हते. सलामी फलंदाज रोहित शर्मा आणि केएल राहुल या जोडीने 97 धावांची सलामी दिली. परंतु चेतेश्वर पुजारा, विराट कोहली आणि अजिंक्य रहाणे या अनुभवी खेळाडूंनी निराशा केली. पण पुनरागमन करणाऱ्या केएल राहुल आणि रविंद्र जडेजा यांनी दमदार फलंदाजी केली.
विराट विरुद्ध अँडरसन मुकाबला -
दुसऱ्या कसोटी सामन्यात पुन्हा एकदा विराट कोहली विरुद्ध इंग्लंडचा वेगवान गोलंदाज जेम्स अँडरसन हा मुकाबला पाहायला मिळू शकतो. अँडरसनने पहिल्या कसोटी सामन्यात विराटला गोल्डन डक म्हणजे पहिल्याच चेंडूवर बाद केलं होतं. पण दुसऱ्या सामन्यात विराटचे शानदार पुनरागमनाची अपेक्षा भारतीय संघाला आहे.
इंग्लंडचे फलंदाज आउट ऑफ फॉर्म -
इंग्लंडच्या फलंदाजांविषयी सांगायचे झाल्यास त्यांना पहिल्या कसोटी सामन्यात आपली छाप सोडता आली नाही. इंग्लंडचे फलंदाज धावा जमवण्यात संघर्ष करताना पाहायला मिळत आहेत. बेन स्टोक्सच्या अनुपस्थितीत जोस बटलर आणि जॅक क्राउलीसह इतर फलंदाजाकडून मोठ्या खेळीची आशा इंग्लंडची आहे. दुसऱ्या सामन्यात मोईन अलीचा संघात समावेश करण्यात आला आहे. यामुळे त्याची फलंदाजी फळी काहीशी मजबूत झाली आहे.
इंग्लंडचा संघ -
रोरी बर्न्स, डोमिनिक सिब्ली, जॅक क्रॉउली, जो रूट (कर्णधार), जॉनी बेअरस्टो, डॅनियल लॉरेन्स, जोस बटलर, सॅम कुरेन, ओली रॉबिन्सन, स्टुअर्ट ब्राँड, जेम्स अँडरसन, मार्क वुड, क्रेग ओवरटन, जॅक लीच, डोमिनिक बेस, ओली पोप, हसीब हमीद आणि मोईन अली.
भारतीय संघ -
रोहित शर्मा, के एल राहुल, चेतेश्वर पुजारा, विराट कोहली (कर्णधार), अजिंक्य रहाणे, ऋषभ पंत, रविंद्र जडेजा, शार्दुल ठाकूर, मोहम्मद शमी, मोहम्मद सिराज, जसप्रीत बुमराह, रविचंद्रन अश्विन, इशांत शर्मा, अक्षर पटेल, रिद्धिमान साहा, उमेश यादव, हनुमा विहारी आणि अभिमन्यु ईश्वरन.
हेही वाचा - Eng vs Ind: भारताविरुद्धच्या दुसऱ्या कसोटी सामन्यात इंग्लंड संघात मोईन अलीची वापसी
हेही वाचा - Ind vs Eng : इंग्लंडच्या धाकड फलंदाजाने केलं जसप्रीत बुमराहचे कौतुक, म्हणाला...
