मुंबई - पाकिस्तानचा माजी अष्टपैलू खेळाडू शाहिद आफ्रिदीने भारताचे पंतप्रधान नरेंद्र मोदी यांच्याविषयी आक्षेपार्ह वक्तव्य केले. त्यानंतर, भारतीय संघाचा माजी फलंदाज आणि भाजप खासदार गौतम गंभीरने शाहिद आफ्रिदीला चांगलेच सुनावले. त्याने, १६ वर्षाचा म्हणून आफ्रिदीची खिल्लीही उडवली आहे.
गंभीरने ट्विटच्या माध्यमातून शाहिद आफ्रिदीची खिल्ली उडवली. त्याने पाकिस्तानजवळ ७ लाख सैन्य असून २० कोटी लोकं या सैन्याच्या पाठीशी आहेत, असे १६ वर्षीय शाहिद आफ्रिदी म्हणत आहे. असे असून देखील मागील ७० वर्षांपासून काश्मीरसाठी भीक मागत आहेत, अशा शब्दात गंभीरने उत्तर आफ्रिदी दिले आहे.
गंभीरने त्याच्या ट्विटमध्ये पाकचे पंतप्रधान इम्रान खान यांच्यासह पाकिस्तानचे लष्करप्रमुख कमर बाजवा यांच्यावर निशाणा साधला आहे. गंभीरने आफ्रिदी, इम्रान खान, बाजवा यांचा उल्लेख जोकर असा केला आहे. हे तिघे मोदी यांच्याबद्दल विष पसरवण्याचा काम करत आहेत. यातून ते पाकच्या लोकांना मूर्ख बनवत आहेत, पण निर्णय येईपर्यंतही काश्मीर तुम्हाला मिळणार नाही. बांगलादेश लक्षात आहे ना? असेही त्याने म्हटलं आहे.
आफ्रिदीने काय म्हटलं होतं ?
आफ्रिदीने काश्मीर प्रश्नावरुन नरेंद्र मोदी घाबरट माणूस असल्याचे वक्तव्य केलं होतं. मोदींनी काश्मीरमध्ये भारताचे सात लाख सैनिक तैनात केले आहेत. इतके सैनिक आमच्या संपूर्ण पाकिस्तानच्या सैन्यात आहेत. परंतु त्यांना हे माहित नाही की, त्या ७ लाख सैनिकांच्या मागे पाकची २२-२३ कोटी जनतारुपी सैन्य उभी आहे. आम्ही आमच्या पाकिस्तानी सैन्यासोबत आहोत, असेही आफ्रिदीने म्हटले होते.
हेही वाचा - “मुलाला वडिलांना परत कधी पाहता येईल?”, सानियाने व्यक्त केली चिंता
हेही वाचा - “नरेंद्र मोदी घाबरट”, शाहिद आफ्रिदीचे वादग्रस्त वक्तव्य
