मुंबई - 'ये रिश्ता क्या कहलाता है' या लोकप्रिय मालिकेत नैतिकची मुख्य भूमिका साकारणारा अभिनेता करण मेहरा (Karan Mehra) काही दिवसांपासून त्याच्या वैवाहिक आयुष्यामुळे चर्चेत आहे. मुंबई पोलिसांनी करण मेहराला सोमवारी रात्री अटक केली आहे. करणच्या पत्नी अभिनेत्री निशा रावलने (Nisha Rawat) करणसोबत झालेल्या वादानंतर गोरेगाव पोलिस ठाण्यात तक्रार दाखल केली होती.
पोलिसांच्या माहितीनुसार गुन्हा दाखल करण्यात आला आहे. गेल्या काही दिवसांपासून करण मेहरा आणि निशा यांच्या वैवाहिक आयुष्यात दुरी निर्माण झाल्याच्या चर्चा रंगू लागल्या होत्या. मुंबईतील गोरेगाव परिसरात राहणाऱ्या टीव्ही अभिनेता करण मेहरा याला गोरेगाव पोलिसांनी अटक केली आहे. पत्नीसोबत भांडण करुन तिला मारहाण केल्याप्रकरणी त्याला अटक करण्यात आले आहे .करण मेहरा हा 'ये रिश्ता क्या कहलाता है' या मालिकेमुळे तो विशेष गाजला. या मालिकेत तो मध्यवर्ती भूमिकेत होता. याशिवाय त्यानं हिंदी बिग बॉस स्पर्धेतही सहभाग घेतला होता.
पत्नीसोबत भांडण करुन तिला मारहाण केल्याप्रकरणी हा अभिनेता अडचणीत आला आहे. पत्नीला मारहाण करण्यात आल्यानंतर करणच्या पत्नीनं गोरेगाव पोलीस स्थानकात त्याच्याविरोधात गुन्हा नोंदवला. ज्यानंतर रात्रीच त्याला अटक करण्यात आले. सदर प्रकरणाचा तपास पोलीस करत असे पोलीस उपायुक्त विशाल ठाकूर यांनी सांगितले.
हेही वाचा - HBD आर माधवन : ''माझ्या एकतर्फी दुश्मनाला हॅप्पी बड्डे आणि लै लै लव''
