मुंबई - कलर्स मराठी वाहिनीवर पुन्हा एकदा बिग बॉस मराठी हा शो सुरू होत आहे. या तिसऱ्या पर्वांची घोषणा वाहिनीच्या वतीने करण्यात आली असून शोचा लॉगो लॉन्च करण्यात आला आहे.
बिग बॉस मराठी ३ या शोचे सूत्रसंचालन महेश मांजरेकर करणार आहेत. या शोची तारीख लवकरच जाहीर करण्यात येईल. बिग बॉसच्या घरात कोण स्पर्धक असतील, नवे नियम काय असतील या गोष्टी अद्याप गुलदस्त्यात ठेवण्यात आल्या आहेत.
गेल्या अनेक वर्षांपासून बिग बॉस हा कार्यक्रम प्रचंड लोकप्रिय आहे. हिंदी नंतर मराठी बिग बॉस देखील तितकाच लोकप्रिय ठरला होता. २०१८ पासून बिग बॉसच्या मराठी सिझनला सुरुवात झाली. गेल्या वर्षीपासून कोरोनाच्या संकटामुळे तिसरा सिझन लांबणीवर पडला होता. अखेर महेश मांजरेकर यांनी सोशल मीडियावर ‘मराठी बिग बॉस 3’ ची घोषणा केली आहे.
- " class="align-text-top noRightClick twitterSection" data="
">
पहिल्या सिझनमध्ये मेघा धाडे विजेती ठरली होती तर पुष्कर जोग उपविजेता घोषित झाला होता. दुसऱ्या सिझनमध्ये शिव ठाकरेच्या गळ्यात विजेतेपदाची माळ पडली होती व नेहा शितोळेला उपविजेतेपद मिळाले होते. दोन्ही सिझनमध्ये भरपूर वादविवाद झाल्यामुळे हा शो चांगलाच चर्चेत राहिला होता. तिसऱ्या सिझनमध्येही भरपूर मनोरंजन होईल अशीच अपेक्षा प्रेक्षक बाळगून आहेत.
हेही वाचा - मराठमोळ्या स्मृती मानधनाच्या फोटोंवर नेटकरी घायाळ, सोशल मीडियावर केवळ स्मृतीचीच चर्चा
