मुंबई - अभिनेत्री सोनाली कुलकर्णीची मुख्य भूमिका असलेला 'विक्की वेलिंगकर' हा चित्रपट प्रेक्षकांच्या भेटीला येणार आहे. अलिकडेच या चित्रपटाचा ट्रेलर प्रदर्शित झालाय. मुंबईमध्ये हा ट्रेलर लॉन्च सोहळा पार पडला. यावेळी चित्रपटाची संपूर्ण स्टारकास्ट उपस्थित होती.
मराठी चित्रपटांमध्ये सस्पेन्स थ्रिलर हा जॉनर अनेकदा वापरण्यात आला आहे. मात्र, तरीही या सिनेप्रकाराला एक नवीन आयाम देण्याचा प्रयत्न 'विक्की वेलिंगकर' या चित्रपटातून करण्यात आलाय. या चित्रपटात सोनाली ही 'विक्की वेलिंगकर'च्या भूमिकेत पाहायला मिळणार आहे. ही भूमिका साकारण्यासाठी तिने कशी मेहनत घेतली, हे तिनं यावेळी सांगितलं.
हेही वाचा -मुलांच्या मनोरंजनासाठी ईफ्फी परिसरात आकर्षक 'चिल्ड्रन व्हिलेज'
अभिनेत्री स्पृहा जोशीची देखील या चित्रपटात महत्वपूर्ण भूमिका पाहायला मिळणार आहे. या दोघांशिवाय संग्राम समेळ, विनिता खरात, केतन सिंग, जुई पवार, गौरव मोरे यांच्याही सिनेमात मुख्य भूमिका आहेत.
आयुष्यातील एका अनपेक्षित अशा गूढ व्यक्तिरेखेशी विक्कीचा कशाप्रकारे सामना होतो, आपल्या सर्व आव्हानांवर आणि अडचणींवर मात करत ती खंबीरपणे कशी उभी राहते यांची मोठी इंटरेस्टिंग गोष्ट या सिनेमात आपल्याला पहायला मिळणार आहे. शिवाय 'मास्क मॅन'ची व्यक्तीरेखा पहिल्यांदाच मराठी सिनेमात दिसणार असल्यामुळे त्याचं गुपित अजूनही कायम आहे.
- " class="align-text-top noRightClick twitterSection" data="">
सौरभ वर्मा यांचं दिग्दर्शन असलेला विक्की वेलिंगकर हा चित्रपट ६ डिसेंबरला प्रदर्शित होईल.
हेही वाचा -पाहा, समीर विद्वन्सच्या मल्टी स्टारर राजकीय नाट्याचा 'धुरळा'
