मुंबई - सध्या बॉलिवूडमध्ये व्हेकेशन सीझन सुरू आहे. काहीजण वाढदिवस साजरा करण्यासाठी मालदीवमध्ये तर काही नवीन वर्ष साजरा करण्यासाठी मालदीवमध्ये पोहोचले आहेत. अलीकडेच काही बॉलीवूड स्टार्स मालदीवमधून सुट्टी साजरी करून परतले आहेत, तर अनेकजण मालदीवचे तिकीट मिळाल्यानंतर रवाना होत आहेत. दरम्यान, बॉलिवूडवरही कोरोना विषाणूचा धोका निर्माण झाला आहे.
नुकतेच अर्जुन कपूर आणि मलायका अरोरा सुट्टीनंतर मालदीवमध्ये आले होते आणि तेथे करिश्मा कपूरच्या ख्रिसमस पार्टीत हे जोडपे दिसले. बुधवारी अर्जुन कपूरचा कोरोना रिपोर्ट पॉझिटिव्ह आला असून मलायका अरोराची कोरोना चाचणी होणार आहे. वर्ष संपत आले आहे आणि कोरोनाची बॉलिवूड तारे तरकांमध्ये अद्यापही दहशत पाहायला मिळत आहे. असे असूनही, हे जोडपे सुट्टीवर जाणे सोडत नाही. आपण आज त्या अविवाहित जोडप्यांबद्दल बोलणार आहोत जे यावर्षी मालदीवमध्ये सुट्टीवर गेले होते.
दिशा पटानी आणि टाइगर श्रॉफ
दिशा पटानीने अलीकडेच बीचचा एक फोटो शेअर केला आहे. आजकाल दिशा तिचा बॉयफ्रेंड टायगर श्रॉफसोबत क्वालिटी टाइम घालवण्यासाठी गेली आहे. दोघेही मालदीवमध्ये असल्याचे सांगण्यात येत आहे. दिशा लाल रंगाच्या टू पीसमध्ये असल्याचे फोटोत दिसत आहे. एका युजरने कमेंट करत लिहिले की, तुझ्या फोटोवरुन नजर हटत नाही.
मलाइका अरोरा आणि अर्जुन कपूर
यावर्षी मालदीवला जाणाऱ्या अविवाहित जोडप्यांमध्ये अर्जुन कपूर आणि मलायका अरोरा यांचाही समावेश आहे. या जोडप्याने मालदीवमधील त्यांचे फोटो शेअर केल्यानंतर, असे मानले जात होते की अर्जुन-मलायका त्यांच्या नात्याला एक पाऊल पुढे नेत आहेत.
सिद्धार्थ मल्होत्रा आणि कियारा आडवाणी
या वर्षाच्या सुरुवातीला 'शेरशाह' चित्रपटाची स्टारकास्ट सिद्धार्थ मल्होत्रा आणि कियारा अडवाणी देखील सुट्टीसाठी मालदीवमध्ये पोहोचली होती. कथित जोडप्याने येथून त्यांचे वेगवेगळे फोटो शेअर केले होते.
तारा सुतारिया आणि आदर जैन
'स्टुडंट ऑफ द इयर-2' या चित्रपटातून आपल्या फिल्मी करिअरची सुरुवात करणारी अभिनेत्री तारा सुतारिया या वर्षी तिचा २५ वा वाढदिवस प्रियकर आदर जैनसोबत साजरा करण्यासाठी मालदीवमध्ये पोहोचली. येथील दोघांचे अप्रतिम फोटो सोशल मीडियावर खूप व्हायरल झाले होते.
रणबीर कपूर आणि आलिया भट्ट
रणबीर कपूर आणि आलिया भट्ट बुधवारी मुंबई विमानतळावर स्पॉट झाले. नवीन वर्षाच्या सेलिब्रेशनसाठी हे जोडपे बाहेर पडले आहे. मीडिया रिपोर्ट्सनुसार, हे कपलही मालदीवला रवाना झाले आहे.
हेही वाचा - सनी लिओनीच्या मधुबनसह यंदा सर्वाधिक लोकप्रिय ठरलेली गाणी
