हास्याचे विविध रंग दिसणार 'झोलझाल' चित्रपटात, टिझर आणि म्युझिक झाले लॉंच!

विनोदी बाजाच्या 'झोलझाल' चित्रपटातल्या गाण्यांबद्दल जी उत्सुकता होती, त्याला म्युझिक लाँच वेळी पूर्णविराम मिळाला. नुकताच या चित्रपटाचा म्युझिक लाँच सोहळा आणि टिझर अनावरण सोहळा नुकताच संपन्न झाला. मल्टीस्टारर अशा या चित्रपटात हास्याचे विविध रंग विविध कलाकारांच्या अभिनयातून मोठ्या पडद्यावर अनुभवायला मिळणार आहेत.

मुंबई - चांगल्या विनोदी मराठी चित्रपटांना प्रेक्षक नेहमीच पाठिंबा देत असतात. हास्याचे विविध रंग लेऊन एक चित्रपट प्रदर्शनासाठी सज्ज झालाय तो म्हणजे ‘झोलझाल’. विनोदी बाजाच्या 'झोलझाल' चित्रपटातल्या गाण्यांबद्दल जी उत्सुकता होती, त्याला म्युझिक लाँच वेळी पूर्णविराम मिळाला. नुकताच या चित्रपटाचा म्युझिक लाँच सोहळा आणि टिझर अनावरण सोहळा नुकताच संपन्न झाला. मल्टीस्टारर अशा या चित्रपटात हास्याचे विविध रंग विविध कलाकारांच्या अभिनयातून मोठ्या पडद्यावर अनुभवायला मिळणार आहेत. चित्रपटातील धडाकेबाज गाणी प्रेक्षकांना थिरकायला लावणार हे गाण्यांच्या जातकुळीवरून सिद्ध होतंय. ''झोलझाल' हा चित्रपट हास्याची मेजवानी घेऊन लवकरच प्रेक्षकांच्या भेटीस येत आहे.

• " class="align-text-top noRightClick twitterSection" data="">

चित्रपटाचा कणा म्हणून चित्रपटाच्या संगीताकडे पाहिलं जातंय. झोलझाल चित्रपटाच्या संगीताची जबाबदारी प्रफुल्ल - स्वप्नील आणि ललित रामचंद्र यांनी सांभाळली आहे. तर चित्रपटातील गाण्याचे बोल मंदार चोळकर, बाबा चव्हाण, वरून लिखाते यांनी शब्दबद्ध केले आहेत. सिनेसृष्टीतील सुप्रसिद्ध गायकांनी चित्रपटातील गाण्यांना चारचांद लावले आहेत. गायक अवधुत गुप्ते, वैशाली सामंत, स्वप्नील बांदोडकर, आदर्श शिंदे, कविता राम, प्रवीण कुवर, जय अत्रे, जुईली जोगळेकर, प्रतिभा सिंग बाघेल या गायकांनी त्याच्या स्वमधुर आणि दमदार आवाजात चित्रपटातील गाणी स्वरबद्ध केली आहेत.

झोलझाल टिझर आणि म्यूझिक लॉन्च

या चित्रपटातील गाण्यांना खरा साज चढलाय तो कलाकारांमुळे. या मल्टिस्टारर चित्रपटात अभिनेते मंगेश देसाई, मनोज जोशी, अजिंक्य देव, कुशल बद्रिके, भारत गणेशपुरे, अमोल कागणे, ऋतुराज फडके, सयाजी शिंदे, उदय नेने, उदय टिकेकर, अंकुर वाळवे, अभिनेत्री प्रीतम कागणे, इशा अग्रवाल, अलिशा फरेर, सुप्रिया कर्णिक, प्रियांका खोलगडे, साईशा पाठक हे सिनेकलाकार दिसणार आहेत. दिग्दर्शक मानस कुमार दास यांनी हा चित्रपट दिग्दर्शित केला असून चित्रपटाची निर्मिती निर्माता गोपाळ अग्रवाल, आनंद गुप्ता, संजना जी अग्रवाल यांनी केली असून सहनिर्माते म्हणून रश्मी अग्रवाल आणि विनय अग्रवाल यांनी बाजू सांभाळली.

झोलझाल टिझर आणि म्यूझिक लॉन्च

युक्ती इंटरनॅशनल प्रॉडक्शन अंतर्गत अमोल लक्ष्मण कागणे प्रस्तुत आणि 'रोलींगडाईस' असोसिएशन सोबत 'झोलझाल' चित्रपट १ जुलैला सर्वत्र प्रदर्शित होणार आहे.

हेही वाचा - Iifa 2022 Day One: शूजित सरकारच्या 'सरदार उधम' चित्रपटाने केली ३ पुरस्कारांची कमाई