मुंबई - बॉलिवूड अभिनेता संजय दत्तने फिल्म इंडस्ट्रीत आपले खास स्थान निर्माण केले आहे. संजय दत्तने 1981 मध्ये आलेल्या रॉकी चित्रपटातून बॉलिवूडमध्ये पदार्पण केले आणि अनेक चढ उतारांचा अनुभव गाठीशी बांधत ते गेली चार दशकांहून अधिक काळ इंडस्ट्रीत आहे. अभिनयाच्या बाबतीतही तो आजच्या कलावंतांना स्पर्धा देत आहे. संजय दत्त आज 63 वा वाढदिवस साजरा करत आहे. त्याच्या वाढदिवसानिमित्त पत्नी मान्यता दत्तने एक खास पोस्ट शेअर केली आहे. मान्यताची पोस्ट सोशल मीडियावर व्हायरल होत आहे.
- " class="align-text-top noRightClick twitterSection" data="
">
मान्यताने संजय दत्तचा एक फोटो शेअर केला आहे ज्यामध्ये तो वर्कआउट करताना दिसत आहे. फोटोमध्ये त्याने डंबेल धरले आहे आणि तो बायसेप्स फ्लॉंट करताना दिसत आहे. वयाच्या ६३ व्या वर्षीही संजय दत्त स्वतःला फिट ठेवतो. तो त्याच्या फिटनेसची विशेष काळजी घेतो.
संजय दत्तचा फोटो शेअर करताना मान्यताने लिहिले - हॅप्पी बर्थडे माय रॉकस्टार. नेहमीप्रमाणेच सर्वांना प्रेरणा देत राहा. सेलेब्स आणि चाहते मान्यताच्या पोस्टवर कमेंट करून त्याला वाढदिवसाच्या शुभेच्छा देत आहेत. गायक गुरू रंधावाने कमेंटमध्ये लिहिले - सरांना वाढदिवसाच्या शुभेच्छा. त्याचवेळी एका चाहत्याने लिहिले - हॅपी बर्थडे बाबा.
वर्कफ्रंटबद्दल बोलायचे झाले तर संजय दत्त नुकत्याच प्रदर्शित झालेल्या शमशेरा या चित्रपटात दिसला होता. या चित्रपटात तो नकारात्मक भूमिकेत दिसला आहे. हा चित्रपट बॉक्स ऑफिसवर फ्लॉप ठरला असला तरी यातील संजय दत्तचा अभिनय खूप आवडला आहे.
संजय दत्त लवकरच रवीना टंडन, पार्थ समथान, अरुणा इराणी यांच्यासोबत रोमँटिक-कॉमेडी चित्रपटात दिसणार आहे.
हेही वाचा - 'शमशेरा' फ्लॉप म्हणणाऱ्यांवर भडकला संजय दत्त, म्हणाला "रक्त, घाम आणि अश्रूंनी बनवलाय सिनेमा"
