मुंबई : 'ओ माय गॉड'च्या यशानंतर, 'ओ माय गॉड २' हा चित्रपट प्रेक्षकांचे मनोरंजन करण्यासाठी सज्ज झाला आहे, मात्र सध्या या चित्रपटाला सेन्सॉर बोर्डा (CBFC)कडून ग्रीन सिग्नल मिळालेला नाही. सेन्सॉर बोर्डाने चित्रपटात २० कट्स मागितले आहेत, पण निर्मात्यांचे म्हणणे आहे की चित्रपटात काहीही आक्षेपार्ह नाही. दरम्यान, आता 'हर हर महादेव' या चित्रपटाचे नवे गाणे रिलीज झाले आहे. या गाण्यात अक्षय कुमार महाकालच्या अवतारात दिसत आहे. या चित्रपटाच्या प्रदर्शनासाठी अवघे काही दिवस उरले असून चित्रपटाचा टीझर, पोस्टर, ट्रेलर आणि गाणे पाहिल्यानंतर चाहते फक्त चित्रपटाची वाट पाहत आहेत. चला तर मग जाणून घेऊया नवीन गाण्यात काय खास आहे.
- " class="align-text-top noRightClick twitterSection" data="">
नवीन गाण्यात काय खास आहे : 'हर हर महादेव' हे गाणे ऐकल्यावर अंगावर नक्कीच काटे येतील. अक्षय कुमार शिवच्या अवतारात या गाण्यात तांडव करत आहे आणि बाकीचे सर्वजण हर-हर महादेवच्या तालावर नाचताना दिसत आहेत. या गाण्यात महादेवाच्या भक्तीशिवाय अक्षयची शिवमधील रूपेही अतिशय चांगल्या पद्धतीने दाखविल्या गेले आहे. हे गाणे विक्रम मॉन्ट्रोज यांनी कंपोज केले असून हे त्यांनी आणि शेखर अस्तित्वने गायले आहे. याआधी चित्रपटाचे पहिले गाणे 'उॅंची -उॅंची वादी' रिलीज झाले होते. या गाण्यात पंकज त्रिपाठी हा भगवान शिवाच्या पूजेत तल्लीन दाखविला गेला होता.
चित्रपटाला ग्रीन सिग्नल मिळाला नाही : विशेष म्हणजे, सेन्सॉर बोर्डाने २० कट्सनंतर ए प्रमाणपत्र देण्याचे सांगितले आहे, परंतु निर्मात्यांना चित्रपटाला ए प्रमाणपत्र मिळावे असे वाटत नाही. त्यामुळे चित्रपटाचे प्रमोशन अद्याप सुरू झालेले नाही. हा चित्रपट पुनरावलोकन समितीकडे परत पाठवण्यात आले आहे. आदिपुरुषबाबत सर्वोच्च न्यायालयाने सेन्सॉर बोर्डला फटकारल्यानंतर चित्रपटाबाबत कठोर कारवाई होताना आता दिसत आहे. आदिपुरुष चित्रपटात मोठ्या प्रमाणात अपशब्द वापरण्यात आले असतानाही बोर्डाने यू सर्टिफिकेट देऊन चित्रपट पास केला, त्यानंतर गदारोळ झाला होता. बोर्डाने डोळे कान बंद करून चित्रपट पास केला का, असा प्रश्न लोकांनी सेन्सॉर बोर्डावर उपस्थित केला होता. त्यामुळे 'ओ माय गॉड २' चित्रपटाबाबत देखील बऱ्याच गोष्टी बघितल्या जाणार आहेत.
हेही वाचा :
