मुंबई - दीपिका पदुकोणने ( Deepika Padukone ) प्रकृती अस्वस्थतेची तक्रार केल्यानंतर तिला तातडीने येथील ब्रीच कँडी रुग्णालयात ( Breach Candy Hospital ) दाखल करण्यात आले आहे. वृत्तानुसार, सोमवारी संध्याकाळी अभिनेत्रीच्या रुग्णालयात अनेक चाचण्या पार पडल्या. दीपिकाला आता बरे वाटत असल्याचे अहवालात नमूद करण्यात आले आहे. तिच्या प्रकृतीबाबत तिच्या टीमकडून अद्याप कोणतेही वक्तव्य आलेले नाही.
यापूर्वी, तेलगू स्टार प्रभास आणि अमिताभ बच्चन यांच्यासोबत नाग अश्विन ( Nag Ashwin ) यांच्या प्रोजेक्ट के ( Project K ) चित्रपटाच्या सेटवर तिची तब्येत बिघडली होती. हैदराबादमध्ये शूटिंग सुरू असताना तिला रुग्णालयात भरती करण्यात आले होते.
अभिनेत्री दीपिकाने यापूर्वी नैराश्याचा ( depression ) सामना केला होता आणि त्याबद्दल ती खूप बोलली होती. तिचे विचार कृतीत आणण्यासाठी, मानसिक आरोग्याविषयी जागरुकता निर्माण करण्यासाठी, मानसिक आजाराशी संबंधित लागलेला डाग कमी करण्यासाठी आणि पीडितांना विश्वासार्ह संसाधनांमध्ये प्रवेश देण्यासाठी ती लाईव्ह, लव्ह , लाफ फाऊंडेशन ( Live, Love, Laugh Foundation ) चालवते.
दरम्यान, वर्क फ्रंटवर, दीपिका 'पठाण' आणि 'फायटर' या चित्रपटांमध्ये अॅक्शन-पॅक अवतारांमध्ये दिसणार आहे. 'पठाण'मध्ये, ती शाहरुख खान आणि जॉन अब्राहमसोबत स्क्रीन स्पेस शेअर करेल, तर 'फायटर'मध्ये, ती हृतिक रोशन आणि अनिल कपूर यांच्यासोबत तिचे अभिनय कौशल्य दाखवेल. तिचा मेगास्टार अमिताभ बच्चनसोबत 'द इंटर्न'चा रिमेकही आहे.
दीपिका आणि तिचा अभिनेता पती रणवीर सिंग 'ब्रह्मास्त्र भाग 2' साठी एकत्र येणार असल्याची चर्चा जोरदार आहे. दीपिका आणि रणवीरच्या कास्टिंगबद्दल निर्मात्यांनी याबद्दल सांगितलेले नाही, मात्र एका ज्येष्ठ चित्रपट समीक्षकाने गेल्या महिन्यात याची पुष्टी केली.
हेही वाचा - फाल्गुनी पाठक नेहा कक्करबद्दल म्हणाली...'गाणी रिमेक करा पण चांगली तरी करा'
