पुणे - शहरात 69 अशी ठिकाणी आहेत, जेथे कोरोनाचे सर्वाधिक प्रादुर्भाव आहे. हा भाग प्रतिबंधित (ContInment) भाग म्हणून ओळखला जातो. याशिवाय शहरातील इतर भागात कोरोना व्हायरसचा प्रादुर्भाव कमी आहे. या भागातील संचारबंदी 4 मे पासून शिथिल केली जाणार आहे. या भागातील अत्यावश्यक सेवेसोबतच इतर दुकाने उघडण्यास प्रशासनाच्यावतीने परवानगी देण्यात आली आहे. सकाळी 10 ते सायंकाळी 6 या वेळेत ही दुकाने उघडण्यास परवानगी देण्यात आली आहे. याशिवाय एकाच रस्त्यावरील अथवा गल्लीतील जीवनावश्यक वस्तूंखेरीज इतर फक्त पाच दुकाने उघडण्यास परवानगी देण्यात आली आहे.
पोलीस सहआयुक्त रविंद्र सिसवे संक्रमणशील क्षेत्रातील नागरिकांना सकाळी सात ते सायंकाळी सातपर्यंत बाहेर पडण्यास परवानगी देण्यात आली आहे. सायंकाळी सात पूर्वी नागरिकांनी आपआपल्या घरी परतणे बंधनकारक करण्यात आले आहे. 60 वर्षावरील व्यक्ती, दुर्धर आजाराने ग्रस्त, गर्भवती स्त्रिया, 10 वर्षाखालील मुले यांना आरोग्याच्या कारणास्तव अथवा अत्यावश्यक कारणास्तवच घराबाहेर पडता येणार आहे.
पुण्यातील प्रतिबंधित क्षेत्र वगळता इतर संक्रमणशील क्षेत्रातील संचारबंदीत शिथिलता संक्रमण क्षेत्रातील नागरिकांना घराबाहेर पडताना आरोग्य विभागाने घालून दिलेल्या उपाययोजनांची (मास्क, हॅन्डग्लोव्ह्ज, सॅनिटायझर) अंमलबजावणी करणे गरजेचे आहे. याशिवाय या क्षेत्रातील बांधकाम प्रकल्पावर कामगार उपलब्ध असतील आणि बाहेरून कामगार आणावे लागत नसतील तर अशा बांधकामासाठी प्रशासनाकडून परवानगी देण्यात आली आहे.
पुण्यातील प्रतिबंधित क्षेत्र वगळता इतर संक्रमणशील क्षेत्रातील संचारबंदीत शिथिलता पुण्यातील मेट्रो प्रकल्पाची कामे, मान्सूनपूर्व खबरदारीची कामे ही देखील सुरूच राहतील. पुण्यात 69 प्रतिबंधात्मक ठिकाणे आहेत. ज्या ठिकाणी कोरोनाचा सर्वाधिक प्रादुर्भाव आहे. या क्षेत्रात मात्र संचारबंदी पूर्वीप्रमाणेच राहील. या परिसरातील केवळ अत्यावश्यक दुकानेच सकाळी 10 ते 2 या वेळेत सुरू राहतील. याशिवाय या परिसरात लागू असलेले इतर निर्बंधही पूर्वीसारखेच लागू असतील..
