मुंबई - महाराष्ट्रात काँग्रेसचे सरकार नाही, असे काँग्रेस नेते राहुल गांधी यांनी वक्तव्य केले होते. ते वक्तव्य योग्यच असल्याची स्पष्टोक्ती राष्ट्रवादीचे राष्ट्रीय प्रवक्ते नवाब मलिक यांनी दिली आहे. महाराष्ट्रात काँग्रेसचे नाही, तर महाविकास आघाडीचे सरकार असल्याचेही यावेळी ते म्हणाले.
राष्ट्रवादीचे राष्ट्रीय प्रवक्ते नवाब मलिक
काँग्रेस नेते राहुल गांधी यांनी महाराष्ट्रात काँग्रेसचे सरकार नाही, असे वक्तव्य केले होते. त्यावर बोलताना नवाब मलिक यांनी त्यांच्या वक्तव्याचा अर्थ स्पष्ट केला आहे. तीन पक्षांनी स्थापन केलेले हे महाविकास आघाडी सरकार आहे. तिन्ही पक्ष जनतेच्या सेवेसाठी एकजूट आहोत आणि कोरोना संकटाच्या काळात आम्ही एकजुटीने काम करत आहोत, असेही नवाब मलिक यांनी यावेळी सांगितले.
