राज्यात संचारबंदीला सुरूवात; जाणून घ्या कोरोनासंबंधीच्या ताज्या घडामोडी..

मुंबई - गेल्या काही दिवसांपासून मुंबई आणि महाराष्ट्रामध्ये कोरोनाची रुग्ण संख्याही झपाट्याने वाढत असल्यामुळे राज्याच्या आरोग्य यंत्रणेवर अधिक भार हा निर्माण झालेला आहे. मुंबईमध्ये सरासरी दिवसाला दहा हजार रुग्ण सापडत आहेत. कोरोना झालेले रुग्ण हे सरकारी रुग्णालयात जाण्यापेक्षा खासगी रुग्णालयात जाण्यास पसंती देत आहेत. त्यामुळे खासगी रुग्णालयातील आयसीयू आणि व्हेंटिलेटर बेड हे शिल्लक नाहीत. काल (दि. 14 एप्रिल) दिवसभरात मुंबईमध्ये फक्त 12 व्हेंटिलेटर बेड आणि 45 आयसीयू बेड शिल्लक होते, अशी प्राथमिक माहिती मुंबई महानगरपालिकेने दिलेली होती.