मुंबई - घरगूती गॅस सीलिंडर पाठोपाठ सीएनजी, पीएनजीचे दरही वाढले ( CNG PNG prices hiked ) आहेत. महागाईने सर्वसामान्यांचे कंबरडे मोडले असतानाच दिवसागणित सर्व गोष्टी महाग होत जात आहे. सीएनजीच्या दरात 4 रुपयांनी ( CNG prices hiked by 4 rupees ) तर, पीएनजीच्या दरात 3 रुपयांची वाढ ( PNG prices hiked by 4 rupees ) झाली आहे. मंगळवारी रात्रीपासून ही दरवाढ लागू झाल्याचे महानगर गॅस लिमिटेडकडून सांगण्यात आले आहे.
नागरिकांच्या खिशाला कात्री - पेट्रोल, डिझेल असो किंवा घरगुती गॅस असो सर्वांच्याच किमती वाढल्यामुळे आगोदरच मेटाकुटीला आलेल्या नागरिकांना पुन्हा एकदा झटका बसला आहे. आता सीएनजी-पीएनजी दरात वाढ झाली आहे. महानगर गॅस लिमिटेडने हा निर्णय घेतला असून सीएनजी, पीएनजी दरात अनुक्रमे चार आणि तीन रुपयांची वाढ झाली आहे. त्यामुळे तीन रुपये वाढिसह सीएनजी प्रति किलो 80 रुपये तर चार रुपये वाढीसह पीएनजी 48.50 रुपये प्रति किलो दराने ग्राहकांना खरेदी करावा लागणार आहे. ही दरवाढ मंगळवारी रात्रीपासून लागू झाली आहे.
गॅस पुरवठ्यात कमतरता - स्थानिक पातळीवर गॅस पुरवठ्यात कमतरता निर्माण झाल्याने दरवाढीचा निर्णय घेतल्याचे महानगर गॅसने म्हटले आहे. त्याशिवाय देशांतर्गत गॅसच्या किमती आधीच वाढल्या आहेत. या किमतीचा कंपनीच्या उत्पादनावर परिणाम होत आहे. परिणामी गरिब जनता महागाईने भरडली जात आहे.
घरगुती सिलेंडरही महागले - काही दिवसांपूर्वी घरगुती ( LPG ) सिलिंडरच्या दरात 50 रुपयांनी वाढ करण्यात आली होती. त्यामुळे सिलेंडरची किंमत ही 1 हजार 53 रुपये इतकी झाली आहे. दरम्यान आता सीएनजीच्या किमतीत चार रुपये तर पीएनजीच्या किमतीत तीन रुपयांची वाढ करण्यात आली आहे. या आधी मुंबईमध्ये सीएनजीचे दर 29 एप्रिलमध्ये वाढलेले होते. त्यावेळी चार रुपयांनी सीएनजीच्या दरात वाढ करण्यात आली होती. त्यानंतर आज पुन्हा त्यामध्ये वाढ करण्यात आली आहे.
टॅक्सी, रिक्षाची दरवाढ होण्याची शक्यता - वाढत्या इंधन दरवाढीचा परिणाम आता रिक्षा आणि टॅक्सी या वाहनांवरही पहायला मिळण्याची शक्यता आहे. सीएनजी आणि पीएनजीच्या वाढत्या दरांमुळे भाड्यात दरवाढ करण्याची मागणी आता जोर धरू शकते. शहरात पाच लाख सार्वजनिक वाहतूक वाहने आहेत, यात प्रामुख्याने रिक्षा, टॅक्सी आणि बस यांचा समावेश आहे, सीएनजीमध्ये झालेल्या दरवाढीचा फटका टॅक्सी आणि रिक्षाचालकांना बसल्याचं पाहायला मिळू शकते.
हेही वाचा- Heavy rain in Nanded : नांदेडमध्ये मुसळधार! वडगावचा संपर्क तुटला, दोघांचा मृत्यू
