मुंबई - शेअर बाजार निर्देशांक सकाळच्या सत्रात ७० अंशाने घसरला. बँकिंग आणि वित्तीय कंपन्यांच्या शेअरमध्ये घसरण झाल्याने शेअर बाजार निर्देशांकात घसरण झाली.
मुंबई शेअर बाजार निर्देशांक ७३.३८ अंशाने घसरून ४०,३७१.७७ वर पोहोचला. तर निफ्टीचा निर्देशांक २६.१० अंशाने घसरून ११,८९५.४० वर पोहोचला. सकाळच्या सत्रातील घसरणीचा सर्वात अधिक १.२८ टक्के बजाज फायनान्सला फटका बसला. त्यापाठोपाठ एचयूएल, आयटीसी, एसबीआय, कोटक महिंद्रा बँक, टेक महिंद्रा, टीसीएस आणि अॅक्सिस बँकेच्या शेअरमध्ये घसरण झाली.
हेही वाचा-'जिओ'ला दे धक्का... एअरटेलकडून दुसऱ्या नेटवर्कवरील आउटगोईंग पुन्हा मोफत
मारुती, वेदांत, टाटा स्टील, एचडीएफसी, टाटा मोटर्स आणि सन फार्माचे शेअर हे १.७२ टक्क्यांपर्यंत वधारले. विदेशी गुंतवणूकदार संस्थांनी ८६७.६६ कोटींच्या शेअरची भांडवली बाजारात विक्री केली. तर देशातील गुंतवणूकदार संस्थांनी शुक्रवारी २१०.७२ कोटींच्या शेअरची खरेदी केली.
हेही वाचा-अर्थव्यवस्थेला चालना देण्याकरता सरकारचे आर्थिक सुधारणांवर काम चालू
