नवी दिल्ली - कंपन्यांच्या घोटाळ्यांची संख्या वाढत असताना कॉर्पोरेट कायद्यापुढे गंभीर आव्हान निर्माण झाल्याचे केंद्रीय वाणिज्य राज्यमंत्री अनुराग सिंह ठाकूर यांनी म्हटले. संपत्ती निर्माण करणाऱ्यांचा आदर निर्माण करायला पाहिजे, असे त्यांनी मत व्यक्त केले. ते 'कॉर्पोरेट लॉ सेवा अॅकडमी'च्या कार्यक्रमात बोलत होते.
सरकारने नागरिकांना व गुंतवणूकदारांना उत्तम सेवा देण्याचे निश्चित केले असल्याचे केंद्रीय कंपनी व्यवहार आणि वित्तीय राज्यमंत्री ठाकूर यांनी सांगितले. उद्योगानुकलतेमध्ये देश पहिल्या २० क्रमांकामध्ये आणण्याचे उद्दिष्ट निश्चित केल्याची ठाकूर यांनी माहिती दिली.
हेही वाचा-जेटचे संस्थापक नरेश गोयल अडचणीत; फेमा कायद्याचे उल्लंघन केल्याप्रकरणी ईडीकडून चौकशी
कंपन्यांच्या घोटाळ्यांनी भांडवल निर्मितीवर परिणाम-
सद्यस्थितीत अर्थव्यवस्थेमध्ये कंपन्यांचे घोटाळे वाढत असल्याचे दिसून येत आहे. यामध्ये कर्जबुडव्यांचाही समावेश आहे. त्याचा भांडवल निर्मितीवर परिणाम होत आहे. अनेक उद्योगांना देशामध्ये नियमांचे पालन करताना अडचणींना तोंड द्यावे लागत आहे. ते प्रश्न सोडविण्यासाठी योग्य दिशेत प्रयत्न करण्याची गरज त्यांनी व्यक्त केली.
हेही वाचा-नोटांची सत्यता पडताळण्याकरिता दृष्टीहीनांसाठी आरबीआय आणणार अॅप, इंटरनेटचीही नाही भासणार गरज
सकारात्मक दृष्टीकोन पाहिजे-
देशाची अर्थव्यवस्था ५ लाख कोटी डॉलर होण्यासाठी अधिकाऱ्यांनी सरकारी धोरणाची प्रभावी अंमलबजावणी करायला पाहिजे. देशाची अर्थव्यवस्था २०१४ मध्ये १.८ लाख कोटी डॉलरची होती. केवळ साडेपाच वर्षात देशाची अर्थव्यवस्था ही ३ लाख कोटी डॉलरची झाली आहे. जर आपण हे करू शकलो तर, ५ लाख कोटी डॉलरची अर्थव्यवस्थाही करू शकतो. त्यासाठी त्याकडे सर्वांचा पाहण्याचा सकारात्मक दृष्टीकोन पाहिजे.
हेही वाचा- सरकारी विमा कंपन्यांमध्ये केंद्र सरकार करणार १२ हजार कोटींची पुनर्गुंतवणूक
कॉर्पोरेट क्षेत्र हे अर्थव्यवस्थेचे इंजिन ठरू शकते-
कॉर्पोरेट क्षेत्र हे ५ लाख कोटी डॉलरची अर्थव्यवस्था होण्यासाठी इंजिन ठरू शकते, असे मत कंपनी व्यवहार मंत्रालयाचे सचिव इंजेटी श्रीनिवास यांनी व्यक्त केले. त्यासाठी कॉर्पोरेटला सुविधा, नियमन आणि नियमांचे पालन यांची गरज आहे.
