मुंबई - मुकेश अंबानी यांच्या मालकीची कंपनी रिलायन्स इंडस्ट्रीज ही पेट्रोकेमिकल व्यवसायामधील २० टक्के हिस्सा सौदी अॅरेम्को कंपनीला विकणार आहे. वरिष्ठ अधिकाऱ्यांच्या माहितीनुसार हा व्यवहार चालू वर्षात ३१ मार्चपर्यंत होण्याची शक्यता आहे.
गेल्यावर्षी ऑगस्टमध्ये रिलायन्स इंडस्ट्रीजने केमिकल आणि रिफायनरी उद्योगातील २० टक्के हिस्सा सौदी अॅरेम्को कंपनीला विकण्याचा निर्णय जाहीर केला होता. हा सुमारे १.०६ लाख कोटी रुपयांचा सौदा असणार आहे. या सौद्यातून कंपनीवरील कर्जाचे प्रमाण कमी करण्याचा रिलायन्स इंडस्ट्रीजचा उद्देश आहे. तसेच तेलशुद्धीकरण प्रकल्पाला खनिज तेलाचा पुरसेा पुरवठा होण्यासाठी रिलायन्सकडून प्रयत्न करण्यात येत आहे.
