कलबुर्गी (कर्नाटक): कर्नाटकातील कलबुर्गी येथे महाशिवरात्री उत्सवानिमित्त भगवान शंकराच्या दर्शनासाठी सकाळपासूनच भाविकांनी मंदिरांमध्ये गर्दी केली होती. त्याचवेळी सेडाम रोडवर असलेल्या ब्रह्माकुमारी आश्रम अमृत सरोवर येथे शेंगदाण्यापासून बनवलेले विशाल शिवलिंग पाहण्यासाठी नागरिक मोठ्या संख्येने येत आहेत. शेंगादाण्यापासून बनवलेले हे अनोखे शिवलिंग लोकांच्या आकर्षणाचे केंद्र बनले आहे.
शिवलिंग वेधून घेत आहे लक्ष: प्रत्येक शिवरात्रीला ब्रह्मकुमारी आश्रमातील अमृत सरोवरात भगवान शंकराची विशेष पूजा केली जाते. येथे प्रत्येक वेळी विविध आकाराचे भव्य शिवलिंग बनवून लक्ष वेधले जाते. यावेळी शेंगदाण्यापासून 25 फूट उंचीचे शिवलिंग तयार करण्यात आले आहे. भुईमूग हे उत्तर कर्नाटकातील शेतकऱ्यांनी घेतलेल्या प्रमुख पिकांपैकी एक आहे. शिवलिंग बनवण्यासाठी 8 क्विंटल शेंगदाण्यांचा वापर करण्यात आला आहे. विशेष म्हणजे हे शिवलिंग आश्रमवासीयांनी स्वतः बनवले आहे. शिवलिंगाला शेंगदाण्यांनी रंगवलेले आहे आणि अरशिना आणि कुमकुमच्या मिश्रणाने सजवलेले आहे जेणेकरून प्रेक्षकांना भक्तीची भावना येईल.
दरवर्षी वेगवेगळे शिवलिंग: ब्रह्मकुमारी आश्रमात दरवर्षी महा शिवरात्री मोठ्या उत्साहात साजरी केली जाते. गेल्या शिवरात्रीमध्ये नारळ, तूर डाळ, मोती, सुपारी आदींपासून एक एक करून शिवलिंग तयार करण्यात आले. विशेष बाब म्हणजे अमृत सरोवर संकुलातील १२ ज्योतिर्लिंगांना धान्य, नाणी, दगडी साखर, काजू इत्यादींनी विविध प्रकारे सजवण्यात आले आहे. भुईमुगाचे शिवलिंग 18 फेब्रुवारीपासून 10 दिवस भाविकांसाठी खुले करण्यात आले आहे. एका बाजूला विशाल शिवलिंग आणि दुसऱ्या बाजूला ज्योतिर्लिंग पाहण्यासाठी गर्दी होत आहे.
परिसरात तयार केली अनेक शिवलिंगे: ब्रह्मकुमारीजच्या या आश्रमामध्ये शेंगदाण्याच्या शिवलिंगाबरोबरच नान्या, खडी साखर, गोंडांबी, तृणधान्ये आदीपासून विविध आकारांची छोटी शिवलिंगे आश्रम परिसरात उभारण्यात आली आहेत. महाशिवरात्रीच्या पार्श्वभूमीवर उभारण्यात आलेल्या शेंगदाण्याच्या शिवलिंगाच्या दर्शनासाठी 18 फेब्रुवारीपासून दहा दिवस भाविकांना मोफत जात येणार आहे. अशाप्रकारे अनोखे शिवलिंग तयार करण्यात आल्याने परिसरातील भाविकांची दर्शनासाठी मोठी गर्दी होत असल्याचे दिसून येत आहे.
ब्रह्मकुमारीजच्या माध्यमातून दरवर्षी विविध उपक्रम: महाशिवरात्रीच्या निमित्ताने ब्रह्मकुमारीजच्या माध्यमातून विविध प्रकारचे उपक्रम दरवर्षी भाविकांसाठी राबवण्यात येतात. या उपक्रमांमध्ये भाविकांना अध्यात्मिक ज्ञान देण्याबरोबरच भगवान शिवजी यांची पूजा करण्याची पद्धत, उपासना करत असताना पाळायचे नियम, पूजेचे महत्त्व आदी विविध प्रकारही समजावून सांगितले जातात.
