नवी दिल्ली - पंतप्रधान नरेंद्र मोदी यांनी व्हिडीओ कॉन्फरन्सिंगद्वारे 'पीएम केअर्स फॉर चिल्ड्रन' योजनेंतर्गत प्रदान करण्यात आलेल्या सुविधांचे प्रकाशन केले. कोरोनामुळे आई-वडील गमावलेल्या मुलांना पंतप्रधान मोदींनी मोठा दिलासा दिला आहे. स्टायपेंडसोबतच आयुष्मान हेल्थ कार्डद्वारे बालकांना ५ लाखांपर्यंत मोफत उपचार सुविधा देण्याची घोषणा करण्यात आली आहे.
-
Prime Minister Narendra Modi releases benefits under PM CARES for Children Scheme. This will support those who lost their parents during the Covid-19 pandemic. pic.twitter.com/7DEM7qGM1Y
— ANI (@ANI) May 30, 2022 " class="align-text-top noRightClick twitterSection" data="
">Prime Minister Narendra Modi releases benefits under PM CARES for Children Scheme. This will support those who lost their parents during the Covid-19 pandemic. pic.twitter.com/7DEM7qGM1Y
— ANI (@ANI) May 30, 2022Prime Minister Narendra Modi releases benefits under PM CARES for Children Scheme. This will support those who lost their parents during the Covid-19 pandemic. pic.twitter.com/7DEM7qGM1Y
— ANI (@ANI) May 30, 2022
यावेळी पंतप्रधान म्हणाले की, जीवन कधी कधी आपल्याला अनपेक्षित वळणावर आणते. आपण कल्पनाही केली नसेल अशा परिस्थिती. हसत असताना, अचानक अंधार पडतो आणि सर्वकाही बदलते. कोरोनाने अनेक कुटुंबांमध्ये असेच काहीसे केले आहे. पंतप्रधान म्हणाले की, 'कोरोनामुळे ज्यांनी आपल्या प्रियजनांना गमावले आहे त्यांच्या आयुष्यात हा बदल किती कठीण आहे हे मला माहीत आहे.
रोजचा संघर्ष, रोजची तपश्चर्या. आज जी मुलं आपल्यासोबत आहेत, ज्यांच्यासाठी हा कार्यक्रम होत आहे, त्यांच्या वेदना शब्दात मांडणं कठीण आहे. पीएम केअर फॉर चिल्ड्रन हा अशा सर्व कोरोना बाधित मुलांच्या अडचणी कमी करण्याचा एक छोटासा प्रयत्न आहे, ज्यांचे आई आणि वडील आता नाहीत. प्रत्येक देशवासी अत्यंत संवेदनशीलतेने तुमच्या पाठीशी आहे, याचेही ते प्रतिबिंब आहे. इतर दैनंदिन गरजांसाठी त्यांच्यासाठी 4000 रुपये दरमहा इतर योजनांद्वारे व्यवस्थाही करण्यात आली आहे.
पीएम केअर्स फॉर चिल्ड्रनच्या माध्यमातून तुम्हाला आयुष्मान हेल्थ कार्ड देखील दिले जात आहे, यातून ५ लाखांपर्यंतच्या उपचारांची मोफत सुविधा तुमच्या सर्व मुलांनाही उपलब्ध होईल, असे पंतप्रधान मोदी म्हणाले. ते म्हणाले की, मुलांच्या चांगल्या शिक्षणासाठी त्यांना त्यांच्या घराजवळील सरकारी किंवा खासगी शाळांमध्ये प्रवेश मिळाल्याचे मला समाधान आहे.
एखाद्याला व्यावसायिक अभ्यासक्रमासाठी उच्च शिक्षणासाठी एज्युकेशन लोनची गरज असेल, तर पीएम केअर्स त्यातही मदत करेल. मुलांचे शालेय शिक्षण पूर्ण झाल्यावर त्यांना पुढील शिक्षणासाठी अधिक पैसे लागतील, त्यामुळे 18 ते 23 वर्षे वयोगटातील तरुणांना दर महिन्याला स्टायपेंड मिळेल आणि ते 23 वर्षांचे झाल्यावर तुम्हाला मिळून 10 लाख रुपये मिळतील. .
पंतप्रधान मोदींनी पीएम केअर फंडाविषयी सांगितले की, कोरोनाच्या काळात रुग्णालये तयार करणे, व्हेंटिलेटर खरेदी करणे, ऑक्सिजन प्लांट लावणे या कामात या निधीची खूप मदत झाली. त्यामुळे अनेकांचे प्राण वाचू शकले, अनेक कुटुंबांचे भविष्य वाचू शकले. गेल्या आठ वर्षांत भारताने जी उंची गाठली आहे, त्याची कोणीही कल्पना करू शकत नाही, असे पंतप्रधान म्हणाले. आज जगात भारताचा अभिमान वाढला आहे, जागतिक मंचावर आपल्या भारताची ताकद वाढली आहे आणि भारताच्या या प्रवासाचे नेतृत्व युवाशक्ती करत आहे याचा मला आनंद आहे.
पंतप्रधान म्हणाले की, आज जेव्हा आमचे सरकार 8 वर्षे पूर्ण करत आहे, तेव्हा देशाचा आत्मविश्वास, देशवासीयांचा स्वतःवरचा विश्वास अभूतपूर्व आहे. भ्रष्टाचार, हजारो कोटींचे घोटाळे, घराणेशाही, देशभर पसरलेल्या दहशतवादी संघटना, प्रादेशिक भेदभाव, 2014 पूर्वी ज्या दुष्टचक्रात देश अडकला होता, त्यातून देश बाहेर पडत आहे.
हेही वाचा - रशियाचे अध्यक्ष पुतीन यांचा मृत्यू झाल्याचा ब्रिटनच्या गुप्तचर संस्थेचा दावा
