मुंबई: देशातील सर्वात मोठी विमा कंपनी लाइफ इन्शुरन्स कॉर्पोरेशनने (LIC) आज त्यांचे शेअर्स बाजारात उतरवले आहेत. एलआयसीचे शेअर्स ( LIC Shares ) आज शेअर बाजारात लिस्ट करण्यात आले. सोमवारी ग्रे मार्केटमध्ये एलआयसीच्या शेअर्समध्ये किंचित सूट देण्यात आली, ज्यामुळे शेअर्स त्यांच्या इश्यू किमतीच्या खाली सूचीबद्ध करण्यात आले आहेत. याचा अर्थ एलआयसीच्या शेअरची किंमत 949 रुपये ( LIC Share Price ) किंवा त्याहून कमी इश्यू किंमतीच्या आसपास स्टॉक एक्सचेंजमध्ये सूचीबद्ध होण्याची शक्यता वर्तविण्यात येत होती. मात्र पहिल्याच दिवशी ठरवलेल्या किमतीपेक्षा कमी म्हणजेच ९०० च्या आसपास किंमत या शेअर्सना मिळाली आहे.
ग्रे मार्केटमध्ये एलआयसीच्या शेअर्सवर प्रति शेअर 15 ते 20 रुपये सूटवर बोली लावण्यात आली होती. ग्रे मार्केट हे एक अनधिकृत बाजार आहे, जिथून मिळालेला डेटा ट्रेंड अंदाजासाठी वापरला जातो. शेअर बाजारातील अस्थिरतेमुळे LIC शेअर्सच्या ग्रे मार्केट प्रीमियममध्ये मोठी घसरण ( Big drop in gray market premiums ) झाली आहे. एलआयसीच्या शेअर्सचा ग्रे मार्केट प्रीमियम त्याच्या शिखरावर होता 95 रुपये प्रति शेअर. सरकारने एलआयसीच्या शेअर्सची इश्यू किंमत 949 रुपये प्रति शेअर निश्चित केली आहे. तथापि, एलआयसी पॉलिसीधारक आणि किरकोळ गुंतवणूकदारांना अनुक्रमे 889 रुपये आणि 904 रुपये प्रति शेअर दराने शेअर्स मिळतील.
सरकारने एलआयसीमधील 3.5 टक्के हिस्सा ( 3.5 per cent stake in LIC ) आयपीओद्वारे विकण्याचा निर्णय घेतला होता. या स्टेकच्या विक्रीतून सरकारला सुमारे 20,557 कोटी रुपये मिळण्याची अपेक्षा होती. LIC चा IPO 9 मे रोजी बंद झाला आणि त्याचे शेअर्स 12 मे रोजी बिडर्सना वाटप करण्यात आले. LIC च्या IPO ला जवळपास तिप्पट प्रतिसाद मिळाला. यामध्ये देशांतर्गत गुंतवणूकदारांनी उत्साहाने सहभाग घेतला, तर विदेशी गुंतवणूकदारांच्या प्रतिक्रिया 'थंड' होत्या. तथापि, एलआयसी हा आतापर्यंतचा देशातील सर्वात मोठा आयपीओ असल्याचे सिद्ध झाले आहे. याआधी 2021 मध्ये पेटीएमचा आयपीओ 18,300 कोटी रुपयांचा होता. त्याआधी, 2010 मध्ये कोल इंडियाचा IPO सुमारे 15,500 कोटी रुपये होता.
हेही वाचा : LIC To List On Stock Exchanges : LIC 17 मे रोजी स्टॉक एक्सचेंजमध्ये होणार सूचीबद्ध
