नवी दिल्ली - 'अगर किसी चीज़ को दिल से चाहो तो सारी कायनात उसे तुम से मिलाने में लग जाती है' शांती ओम या चित्रपटातील हा डायलॉग फिल्मी आहे. मात्र, असच काहीसे घडलं आहे झारखंडच्या पूर्वी सिंहभूम जिल्ह्यातील चिमुकल्यांसोबत. कोरोना संकटात शाळा सुरू नसल्याने ऑनलाईन वर्ग घेण्यात येत आहेत. मात्र, ऑनलाईन शिक्षण घेण्यासाठी विद्यार्थ्यांकडे स्मार्ट मोबाईल, इंटरनेटची सुविधा नाही. मोबाईल नसल्याने शिक्षण घेण्यासाठी अडचण निर्माण होतेयं. यासाठी झारखंडमधील रहिवासी तीन मुलांनी आंबे विकून पैसे कमवायचे आणि शिक्षणासाठी मोबाईल घेण्याचे ठरवले. त्यांच्या या प्रयत्नांची बातमी 'ईटीव्ही भारत'ने वृत्त प्रकाशित केली. याची दखल घेत आमदार रामदास सोरेन यांनी चिमुकल्यांना मोबाईल घेऊन दिले आहेत.
मुसाबनी ब्लॉकमधील रोआम गावातील तीन मुले रस्त्याच्या कडेला आंबे विकत बसलेली होती. शिक्षण घेण्यासाठी अँड्रॉईड फोन खरेदी करत असल्याचे मुलांनी सांगितले. याचे वृत्त ईटीव्ही भारतने प्रकाशित केले होते. त्यानंतर घाटशीलाचे आमदार रामदास सोरेन यांनी कार्यकर्त्यांना गावात पाठवले मुलांच्या पालकांना भेटून परिस्थितीची माहिती करून घेतली.
लॉकडाऊनमुळे शाळा बंद असून मुले ऑनलाईन शिकत असल्याचे मुलांच्या पालकांनी सांगितले. मुलांचे पालक कुटुंबाचा उदरनिर्वाह करण्यासाठी मजुरीचे काम करतात. त्यांच्याकडे मुलांसाठी अँड्रॉईड फोन खरेदी करण्यासाठी पुरेसा पैसे नाहीत. मुलांना अभ्यासाची इच्छा आहे. यासाठी मुले दररोज रस्त्याच्या कडेला बसून आंबे विकून पैसे कमवण्याचा प्रयत्न करत आहेत. घेतात जेणेकरून ते फोन खरेदी करू शकतील, असे मुलांच्या पालकांनी सांगितले.
मुलांचा आनंद गगनात मावेना -
झारखंड मुक्ती मोर्चाच्या (जेएमएम) कार्यकर्त्यांनी कुटुंबातील सदस्यांशी बोलल्यानंतर सर्व गोष्टी रामदास सोरेन यांच्यासमोर मांडल्या. रामदास सोरेन आणि झारखंड युवा मोर्चाचे जिल्हाध्यक्ष यांनी मुलांना ऑनलाइन अभ्यास करण्यासाठी तीन मोबाइल घेऊन दिले. मुलांना मोबाइल मिळाल्याबद्दल त्यांच्या पालकांनी आमदार रामदास सोरेन आणि झारखंड युवा मोर्चाचे जिल्हाध्यक्ष बब्बन राय यांच्यासह त्यांच्या सहकाऱ्याचे आभार मानले. अभ्यासाठी मोबाईल मिळाल्याने मुलांचा आनंद गगनात मावेनासा झाला.
