शिवसागर (आसाम) - काँग्रेसने 70 वर्षात काय केले, असा सवाल भाजपा नेत्यांकडून सतत केला जातो. यावर आज छत्तीसगडचे मुख्यमंत्री भूपेश बघेल यांनी उत्तर दिलं. तसेच त्यांनी भाजपावर जोरदार टीका केली. सत्तेत असताना काँग्रेसेन देशातील ऐक्य बळकट केले आणि विविध जाती, धर्मातील लोकांना एकत्र आणलं, असे उत्तर भूपेश बघेल यांनी दिलं आहे. आसाममध्ये काँग्रेसच्या प्रचार सभेला ते संबोधीत करत होते. यावेळी काँग्रेसचे माजी अध्यक्ष आणि वायनाडचे खासदार राहुल गांधींही उपस्थित होते.
स्वातंत्र्यलढ्याच्या काळापासून दोन विचारधारा राहिल्या आहेत. एक म्हणजे विभाजन आणि दुसरे जे एक्य ठेवणे. ब्रिटिशांनी फोडा आणि राज्य करा, हे धोरण लागू केले. तर दुसरीकडे महात्मा गांधी यांच्या नेतृत्वात कामगार, शेतकरी, महिला आणि तरुणांनी एकत्र येत इंग्रजांना तोंड दिले, असे बघेल म्हणाले. लोकांना एकत्र आणण्याचे काम जे लोक करत आहेत. त्यांचे नेतृत्व राहुल गांधी करत आहेत. तर दुसरीकडे फूट समजामध्ये फूट पाडणाऱया लोकांचे नेतृत्व पंतप्रधान नरेंद्र मोदी करीत आहेत, अशी टीका बघेल यांनी केली.
काँग्रेसने ऐक्य व अखंडता बळकट केली -
देशाला संघटित करण्याची गरज आहे. गेल्या 70 वर्षात काँग्रेसने काय केलं, असा सवाल भाजपाकडून होतो. काँग्रेसने गेल्या 70 वर्षात भारताची ऐक्य व अखंडता बळकट केली. काँग्रेसने विविध धर्म आणि जातींच्या लोकांना एकत्र ठेवले. "हिंदू, मुस्लिम, शीख, ईसाई, आपस में सब भाई भाई" अशी घोषणा दिली, असे बघेल म्हणाले.
भाजपाचा "जुमला पार्टी" असा उल्लेख -
भाजपाच्या मते काँग्रेसने काहीच केलं नाही. तर मग रेल्वे, विमानतळे कोणी उभारली. जे आता भाजपा विकत आहे, असा टोला बघेल यांनी लगावला. भाजपाने जनतेला खोटी आश्वासने दिली आहेत. त्यांनी भाजपाचा "जुमला पार्टी" असा उल्लेख केला. एकीकडे असे 'जुमलेबाज' आहेत. जे केवळ फसवणूक व लूटमार करतातत. तर दुसरीकडे राहुल गांधी आहेत. जे सत्याच्या मार्गावर चालतात आणि जे वचन दिले आहेत ते पूर्ण करतात, असे बघेल म्हणाले.
छत्तीसगडमध्ये राहुल गांधींनी कर्जमाफीचे आश्वासन दिले होते. राज्यात काँग्रेसचे सरकार स्थापन झाल्याच्या 10 दिवसातच कर्जमाफी करण्यात आली. शपथविधीनंतर 19 लाख शेतकर्‍यांचे 10,000 कोटी रुपये माफ केले गेले, असे बघेल यांनी सांगितले.
