बरेली - आजपासून जवळपास ५० वर्षांआधी २० जुलै १९६९ ला मानवाने पहिल्यांदा चंद्रावर पाय ठेवला होता. पहिल्यांदा चंद्रावर पाय ठेवणारी व्यक्ती म्हणजे नील आर्मस्ट्रॉग. याच नील आर्मस्ट्रॉग यांची एक खास निशाणी बरेली जिल्हात चर्चेचा विषय ठरत आहे. बरेलीतील एमैनुअल पैटर्स यांच्याकडे नील आर्मस्ट्रॉग यांचा ऑटोग्राफ आहे. जो ऑटोग्राफ त्यांनी खूप सांभाळून ठेवलेला आहे. हा ऑटोग्राफ जवळपास २५ वर्षे जुना आहे.
अचानक आला विचार -
'ईटीव्ही भारत'शी विषेश चर्चा करताना एमैनुअल पैटर्स यांनी सांगितले की, ही घटना १९९३ ची आहे. त्यावेळी त्यांना ५ ऑगस्टला नील आर्मस्ट्रॉग यांना वाढदिवसाच्या शुभेच्छा द्यायच्या होत्या. पण, त्यांच्याकडे नील आर्मस्ट्रॉग यांचा कोणताही पत्ता नसल्याने त्यांनी अमेरिकेच्या दुतावासाशी पत्रव्यवहार करून पत्ता मिळवला. यानंतर मिळालेल्या पत्यावर एमैनुअल पैटर्स यांनी नील आर्मस्ट्रॉग यांना वाढदिवसाच्या शुभेच्छा पाठवल्या होत्या. याघटनेच्या काही दिवसांनंतर नील आर्मस्ट्रॉग यांनी आपला ऑटोग्राफ आणि एक फोटो एमैनुअल पैटर्स यांना पाठवला होता.
पाच हजाराच्या जवळपास आहेत ऑटोग्राफ -
अजमेर येथील मूळ निवाशी असलेल्या एमैनुअल यांनी सांगितले की, ऑटोग्राफ जमवण्याचा छंद त्यांना लहानपणापासूनच आहे. त्यांनी देशातील सर्व राजकीय नेत्यांचे ऑटोग्राफ जमवलेले आहेत. यासोबतच त्यानी सांगितले की, त्यांच्या जवळ पाच हजाराच्या जवळपास ऑटोग्राफ आहेत.
या लोकांचे आहेत ऑटोग्राफ -
एवेरेस्टवर चढाई करणाऱ्या सर एडमंड हिलेरी, पूर्व अमेरिकन राष्ट्रपती जॉर्ज बुश, बिल क्लिंटन, टोनी ब्लेयर, पूर्व राष्ट्रपती आर वेंकटरमन, प्रणव मुखर्जी, वर्तमान राष्ट्रपती रामनाथ कोविंद, पंतप्रधान नरेंद्र मोदी, गृहमंत्री अमित शाह यांसोबतच अनेक प्रसिद्ध लोकांचे ऑटोग्राफ एमैनुअल यांच्याकडे आहेत.
