नवी दिल्ली : भारत-चीनमधील तणावावरून काँग्रेसकडून केंद्रातील मोदी सरकारच्या भूमिकेवर सतत प्रश्न उपस्थित केले जात आहेत. काँग्रेस नेते राहुल गांधी यांनी पंतप्रधान मोदींवर पुन्हा हल्लाबोल केला आहे. केवळ देशाचे पंतप्रधान नरेंद्र मोदी वगळता देशातील प्रत्येक नागरिकाला भारतीय सैन्याच्या क्षमतेवर विश्वास आहे, असे टि्वट राहुल गांधी यांनी केले आहे.
पंतप्रधानांच्या व्यतिरिक्त प्रत्येक नागरिक भारतीय लष्कराच्या क्षमता आणि शौर्यावर विश्वास ठेवतो. त्यांच्या भ्याडपणाने चीनकडून भारतीय जमिनीवर कब्जा करण्यात आला, ज्यांच्या खोटेपणामुळे यापुढेहीत ते करू शकतील, असे टि्वट राहुल गांधींनी केले आहे.
भारत-चीन सीमा वादावरून राहुल गांधी केंद्रातील नरेंद्र मोदी सरकारवर सतत हल्ला करत आहेत. यापूर्वी त्यांनी ट्विट केले होते की, 'लडाखमध्ये चिनींचा सामना करण्यास भारत सरकार घाबरत आहे. पंतप्रधानांना वैयक्तिक धैर्य नसल्यामुळे आणि माध्यमांच्या मौनामुळे भारताला मोठी किंमत मोजावी लागेल.
चिनी सैनिकांकडून पूर्व लडाखच्या गलवान खोऱ्यात भारतीय जवानांची हत्या झाली. चीन भारताच्या जमिनीवर कब्जा करतोय. यामुळे दोन्ही देशांमध्ये तणाव आहे.
