नवी दिल्ली - मुस्लीम बहुसंख्य देश हा दहशतवादी राष्ट्र म्हणून घोषित करावा, या मागणीसाठी शिया मुस्लिमांनी शनिवारी दिल्लीत आंदोलन केले. यावेळी त्यांनी पाकिस्तान दूतावास बंद करण्यात यावे, अशी मागणीही केली.
शिया धर्मगुरू कल्बे जवाद यांनी ईटीव्ही भारतशी बोलताना सांगितले की, पाकिस्तानमध्ये यजीदच्या नावाने घोषणाबाजी करणे म्हणजे दहशतवादाला चालना देणे होय.
ते म्हणाले, याजीद हा तोच आहे ज्याने इमाम हुसेनच्या मुलाला हुतात्मा केले. हा तोच आहे ज्याने मदिना मुनाव्वारावर हल्ला केला आणि महिलांवर अत्याचार केले. पाकिस्तानमध्ये अशा माणसाबद्दल घोषणा दिल्या जात आहेत आणि ते स्वत: ला मुस्लीम म्हणतात.
पाकिस्तान सरकार दहशतवादाला समर्थन देत असल्याचा पुरावा म्हणजे यजीदच्या समर्थनार्थ घोषणाबाजी करणे आहे. म्हणून आंतरराष्ट्रीय स्तरावर दहशतवादी सरकार म्हणून घोषित झाला पाहिजे, असेही जवाद म्हणाले.
अखिल भारतीय सूफी सज्जादानशीन परिषदेचे अध्यक्ष सय्यद नसीरुद्दीन चिश्ती ईटीव्ही भारतसोबत म्हणाले, पाकिस्तानसारख्या मुस्लिम देशामध्ये यजीदसारख्या व्यक्तीला पाठिंबा दर्शविणे हे सिद्ध करते की पाकिस्तान ज्या प्रकारे दहशतवादाला पाठिंबा देण्यासाठी आला आहे, त्यांना दहशतवादाला नवा चेहरा द्यायचा आहे. ते म्हणाले की, भारतातील पाकिस्तानी राजदूतांनी त्यांची माफी मागावी किंवा पाकिस्तानने पाकिस्तानी दूतावास बंद करावे.
