जैसलमेर (राजस्थान): Chanda Kochhar Son Marriage Cancelled: आयसीआयसीआय बँकेच्या माजी व्यवस्थापकीय संचालक चंदा कोचर, त्यांचे पती दीपक कोचर आणि व्हिडिओकॉनचे वेणुगोपाल धूत यांना सीबीआयने शुक्रवारी अटक Chanda Kochhar and Deepak Kochhar arrest केली. आता या कारवाईमुळे कोचर दाम्पत्याचा मुलगा अर्जुन कोचरचा विवाह रद्द करण्यात Arjun Kochhar lavish wedding cancelled आला. वास्तविक, चंदा कोचर यांचा मुलगा अर्जुनचा लग्नाचा कार्यक्रम जैसलमेरमध्ये 15 ते 18 जानेवारी दरम्यान 2 महागड्या हॉटेलमध्ये होणार होता. सूत्रांनी दिलेल्या माहितीनुसार, चंदा कोचर यांच्या मुलाच्या लग्नासाठी मुंबईतील एका इव्हेंट कंपनीत बुकिंग करण्यात आले होते. या लग्नासाठी मुंबईची इव्हेंट कंपनी बुक करण्यात आली होती. कंपनीने सर्व बुकिंग रद्द केली आहेत.
चंदा आणि दीपक कोचर यांना सीबीआयने शुक्रवारी अटक केली होती. व्हिडिओकॉन समूहाला दिलेल्या कोट्यवधी रुपयांच्या कर्जप्रकरणी अटक करण्यात आली ICICI Bank Loan Fraud होती. त्यांच्यावर आरोप आहे की, जेव्हा चंदा कोचर यांनी ICICI बँकेचा पदभार स्वीकारला तेव्हा त्यांनी अनेक व्हिडिओकॉन कंपन्यांना 6 कर्जे दिली. यामध्ये त्या समित्यांच्या मान्यतेने 2 कर्जे देण्यात आली ज्यात स्वतः चंदा कोचर याही सदस्य होत्या. यासोबतच व्हिडिओकॉन समूहाला कर्ज मंजूर करण्यासाठी इतर समित्यांवर प्रभाव टाकल्याचा आरोपही त्यांच्यावर आहे.
हॉटेलचे भाडे 2 कोटी रुपये प्रतिदिन : सूत्रांनी सांगितले की, कोचर दाम्पत्याच्या मुलाच्या डेस्टिनेशन वेडिंगसाठी जैसलमेरच्या 2 मोठ्या स्टार हॉटेल्सची निवड करण्यात आली होती. यापैकी एका हॉटेलचे एका दिवसाचे डेस्टिनेशन वेडिंग भाडे सुमारे 2 कोटी रुपये आहे. या डेस्टिनेशन वेडिंगसाठी 50 ते 60 कोटी रुपये खर्च येणार असल्याचे सांगण्यात येत आहे.
150 आलिशान गाड्यांचे बुकिंग: सूत्रांनी सांगितले की, कोचर दाम्पत्याच्या मुलाच्या लग्नासाठी इव्हेंट कंपनीने जयपूर येथून सुमारे 150 लक्झरी कार बुक केल्या होत्या. यामध्ये इनोव्हा क्रेस्टासह अनेक मोठ्या वाहनांचाही समावेश होता. या सर्व गाड्या जोधपूरहून जैसलमेरला येणार होत्या आणि पाहुण्यांना विमानतळावरून जैसलमेरच्या हॉटेलमध्ये घेऊन जाणार होत्या.
कोचर दाम्पत्याला 2 मुले, मुलीचे 8 वर्षांपूर्वी झाले लग्न : कोचर दाम्पत्याला अर्जुन आणि आरती ही दोन मुले आहेत. मुलगी आरती हिचे २०१४ साली लग्न झाले. २६ वर्षीय अर्जुनने अमेरिकेतील येल विद्यापीठात शिक्षण घेतले आहे. मॅकेन्झी या प्रसिद्ध कन्सल्टन्सी फर्ममध्येही त्यांनी काम केले आहे.
