കേദാർനാഥില്‍ സ്വകാര്യ ഹെലികോപ്‌ടർ ഇടിച്ചിറക്കി; അത്‌ഭുതം ഈ രക്ഷപെടല്‍

രുദ്രപ്രയാഗ് (ഉത്തരാഖണ്ഡ്): കേദാർനാഥ് ക്ഷേത്രപരിസരത്ത് സ്വകാര്യ ഹെലികോപ്‌ടർ ഇടിച്ചിറക്കി. ചാർ ധാം തീർഥാടകരുമായി പോയ ഹെലികോപ്‌ടറാണ് കേദാർനാഥ് ക്ഷേത്രത്തിലെ ഹെലിപാഡിൽ ഇടിച്ചിറക്കിയത്. യാത്രക്കാർക്ക് ആർക്കും പരിക്കില്ല. ഹെലികോപ്‌റ്റർ ഇടിച്ചിറക്കുമ്പോൾ നിരവധി ആളുകൾ പ്രദേശത്ത് ഉണ്ടായിരുന്നു. വൻ അപകടമാണ് ഒഴിവായത്. സംഭവത്തിൽ ഡിജിസിഎ അന്വേഷണം ആരംഭിച്ചു.