പാറശാല: കുട്ടികളിലെ സർഗ്ഗാത്മ കഴിവുകൾ വികസിപ്പിക്കുന്നതിനായി 'ചങ്ങാതി 2019 ' ദ്വിദിന ക്യാമ്പ് ആരംഭിച്ചു. ജില്ലാ ശിശുക്ഷേമ സമിതിയുടെ ആഭിമുഖ്യത്തിൽ പാറശാലയിൽ സംഘടിപ്പിക്കുന്ന ക്യാമ്പിൽ വ്യക്തിത്വ വികസനം, കലാപരമായ കഴിവുകളെ മെച്ചപ്പെടുത്തൽ, ശാസ്ത്രലോകത്തെ പരിചയപ്പെടുത്തൽ തുടങ്ങിയ വിഷയങ്ങളില്‍ വിദഗ്ധർ ക്ലാസുകൾ നല്‍കും.
ക്യാമ്പ് ദേവസ്വം വകുപ്പ് മന്ത്രി കടകംപള്ളി സുരേന്ദ്രൻ ഉദ്ഘാടനം ചെയ്തു. പാറശാല പഞ്ചായത്ത് പ്രസിഡന്‍റ് എസ് സുരേഷ് അധ്യക്ഷനായ ചടങ്ങിൽ ജില്ലാ പഞ്ചായത്ത് പ്രസിഡന്‍റ് വി കെ മധു, പാറശാല ബ്ലോക്ക് പ്രസിഡന്‍റ് വി ആർ സലൂജ തുടങ്ങിയവർ പങ്കെടുത്തു. സമാപന സമ്മേളനം ജില്ലാ കലക്ടർ ഡോക്ടർ കെ വാസുകി ഉദ്ഘാടനം ചെയ്യും.
കുട്ടികളിലെ സർഗ്ഗാത്മ കഴിവുകൾ വികസിപ്പിക്കുന്നതിനായി 'ചങ്ങാതി 2019 ' ദ്വിദിന ക്യാമ്പ് ആരംഭിച്ചു
