തിരുവനന്തപുരം: സംസ്ഥാനത്തെ തദ്ദേശ തെരഞ്ഞെടുപ്പിനുള്ള അന്തിമ വോട്ടർ പട്ടിക പ്രസിദ്ധീകരിച്ചു. 2.76 കോടി വോട്ടർമാരാണ് അന്തിമ വോട്ടർ പട്ടികയിൽ ഉള്ളത്. ഇതിൽ 1.44 കോടി സ്ത്രീ വോട്ടർമാരും 1.31 കോടി പുരുഷ വോട്ടർമാരും 282 ട്രാൻസ് ജെൻഡർ വോട്ടർമാരുമാണ്.
മലപ്പുറം ജില്ലയിലാണ് ഏറ്റവും കൂടുതൽ വോട്ടർമാർ 3354688 പേർ. വയനാട്ടിലാണ് ഏറ്റവും കുറവ്. 625453 വോട്ടർമാർ. വോട്ടർമാരുടെ എണ്ണത്തിൽ രണ്ടാം സ്ഥാനം തിരുവനന്തപുരം ജില്ലയ്ക്കും മൂന്നാം സ്ഥാനം തൃശ്ശൂരിനുമാണ്. ഈ ജില്ലകളിൽ യഥാക്രമം 2838077 ,2691364 വോട്ടർമാരാണ് ഉള്ളത്. എല്ലാ ജില്ലകളിലും പുരുഷ വോട്ടർമാരെക്കാൾ കൂടുതലാണ് സ്ത്രീ വോട്ടർമാർ. 27656579 ആണ് ആകെ വോട്ടർമാരുടെ എണ്ണം.
