തിരുവനന്തപുരം: മീറ്ററിടാതെ യാത്രക്കാരെ പറ്റിക്കുന്ന ഓട്ടോക്കാർക്ക് പണി കൊടുക്കാൻ ആപ്പുമായി തിരുവനന്തപുരം നഗരസഭ. യാത്രക്കാരും ഓട്ടോഡ്രൈവര്‍മാരും തമ്മില്‍ തർക്കങ്ങൾ പതിവായ പശ്ചാത്തലത്തിലാണ് നടപടി. നന്നായി പെരുമാറുന്നവർക്ക് അവാർഡും നൽകും. ''ഹേയ് ഓട്ടോ'' എന്നതാണ് ഓട്ടോക്കാരെ നിയന്ത്രിക്കാൻ തിരുവനന്തപുരം നഗരസഭ പുറത്തിറക്കിയ മൊബൈല്‍ ആപ്പിന്‍റെ പേര് . സേവനത്തിന് റേറ്റിംഗ് നൽകി നഗരത്തെ ഓട്ടോ സൗഹൃദമാക്കുകയാണ് ലക്ഷ്യം. ഡ്രൈവർമാർക്ക് നൽകുന്ന യൂണിക് ഐഡി കാർഡ് ഓട്ടോയിൽ പ്രദർശിപ്പിക്കണം. ഇതിൽ ക്യു ആർ കോഡ് സ്കാൻ ചെയ്ത് റേറ്റിംഗ് രേഖപ്പെടുത്താം.
ഓട്ടോക്കാർക്ക് 'പണി കൊടുക്കാൻ' ആപ്പുമായി തിരുവനന്തപുരം നഗരസഭ
