കണ്ണൂർ: വീടിന് മുന്നിലെ നടപ്പാത തടസപ്പെടുത്തി ഓവുചാല്‍ നിര്‍മിച്ചതായി പരാതി. ചൊക്ലി കണ്ണോത്ത് പീടികയ്ക്ക് സമീപം പുതുക്കുടി താഴെ കുനിയില്‍ ബാലന്റെ വീട്ടിലേക്കുളള വഴിയിലാണ് അയല്‍വാസി ഓവുചാല്‍ നിര്‍മിച്ചത്. ചെറിയ കുഞ്ഞുങ്ങളടക്കമുള്ളവര്‍ക്ക് ഇത് പ്രയാസമുണ്ടാക്കുന്നു. കഴിഞ്ഞ മാസം 23നാണ് പരാതിക്കടിസ്ഥാനമായ സംഭവം. ജില്ലാ കലക്‌ടറടക്കമുള്ളവര്‍ക്ക് പരാതി നല്‍കിയിട്ടും നടപടിയില്ലെന്നാണ് ആരോപണം. ബാലന്റെ രോഗിണിയായ ഭാര്യയും കുഞ്ഞുങ്ങളും ഉപയോഗിക്കുന്ന വഴി തടസപ്പെടുത്തിയതിനെതിരെ പ്രതിഷേധം ശക്തമാവുകയാണ്.
വീട്ടിലേക്കുള്ള നടപ്പാതയടച്ച് ഓവുചാല്‍; പരാതി നല്‍കിയിട്ടും നടപടിയില്ല
