ആലപ്പുഴ: തെരഞ്ഞെടുപ്പിൽ ജാതി പറഞ്ഞു വോട്ട് പിടിക്കുന്നത് തെരഞ്ഞെടുപ്പ് ചട്ടങ്ങൾക്ക് വിരുദ്ധമാണെന്നിരിക്കെ അനാവശ്യ വിവാദങ്ങൾക്ക് പിറകെ പോയി ആളു ചമയാനുള്ള ശ്രമമാണ് ടിക്കാറാം മീണ നടത്തുന്നതെന്ന് ജനപക്ഷം നേതാവ് പി.സി.ജോർജ് എംഎൽഎ. ഇന്ത്യയിലും കേരളത്തിലും ജാതിയും ഉപജാതികളും മതങ്ങളുമുണ്ട്. അതൊക്കെ ഇല്ലാതാക്കാൻ കേരളത്തിലെ ഒരു തെരഞ്ഞെടുപ്പ് ഉദ്യോഗസ്ഥൻ വിചാരിച്ചാൽ നടക്കുന്ന കാര്യമല്ല. മീണ കിട്ടിയ അവസരം മുതലെടുക്കുകയാണ്. വാളെടുത്തവൻ വെളിച്ചപ്പാടാണ് എന്ന സ്ഥിതിയാണ്. അതല്ലാതെ അദ്ദേഹത്തിന്റെ നടപടിയിൽ വലിയ കാര്യമുണ്ടെന്ന് തോന്നുന്നില്ലെന്നും പി.സി.ജോർജ് പറഞ്ഞു.
തെരഞ്ഞെടുപ്പ് ഓഫീസർ വിചാരിച്ചാൽ ജാതിവ്യവസ്ഥ അവസാനിപ്പിക്കാൻ കഴിയില്ലെന്ന് പി.സി ജോര്‍ജ്
തെരഞ്ഞെടുപ്പ് ഓഫീസറെ ചോദ്യം ചെയ്യാൻ ആരുമില്ല. പക്ഷേ ജാതിവ്യവസ്ഥ ഇല്ലായ്‌മ ചെയ്യാൻ ആര് ശ്രമിച്ചാൽ നടക്കുമെന്നും ഭാരത സംസ്കാരം ഹൈന്ദവ സംസ്‌കാരമാണെന്നത് നിഷേധിക്കാൻ കഴിയുമോയെന്നും അദ്ദേഹം ചോദിച്ചു.
