കേപ്‌ടൗണ്‍: അവസരം ലഭിച്ചാല്‍ ഇന്ത്യന്‍ ടീമിനെ നയക്കാന്‍ തയ്യാറാണെന്ന് പേസ് ബൗളർ ജസ്പ്രീത് ബുംറ. ദക്ഷിണാഫ്രിക്കയ്‌ക്കെതിരായ ഏകദിന പരമ്പരയ്ക്ക് മുന്നോടിയായുള്ള പത്രസമ്മേളനത്തിൽ വാര്‍ത്ത ഏജന്‍സിയുടെ ചോദ്യത്തിനോട് പ്രതികരിക്കുകയായിരുന്നു താരം.
"അവസരം ലഭിച്ചാൽ, അതൊരു ബഹുമതിയാകും, ഒരു കളിക്കാരനും അത് വേണ്ടെന്ന് പറയുമെന്ന് ഞാന്‍ കരുതുന്നില്ല. ഞാനും വ്യത്യസ്തനല്ല. അത് ഏത് ഗ്രൂപ്പിന്‍റെ നേതൃത്വമായാലും. എന്‍റെ കഴിവിന്‍റെ പരമാവധി നല്‍കാനാണ് ഞാൻ എപ്പോഴും ആഗ്രഹിക്കുന്നത് " ബുംറ പറഞ്ഞു.
ഉത്തരവാദിത്വം ഏറ്റെടുക്കുകയും കളിക്കാരോട് സംസാരിക്കുകയും അവരെ സഹായിക്കുകയും ചെയ്യുക എന്നത് എല്ലായ്‌പ്പോഴും തന്‍റെ സമീപനമാണെന്നും ബുംറ കൂട്ടിച്ചേര്‍ത്തു
