മാസ്റ്ററിന് ശേഷം ദളപതി വിജയ്‌യെ നായകനാക്കി ലോകേഷ് കനകരാജ് സംവിധാനം ചെയ്യുന്ന പുതിയ ചിത്രത്തില്‍ സഞ്ജയ് ദത്ത്. ദളപതി 67 എന്ന താത്‌കാലികമായി പേരിട്ട ബിഗ് ബജറ്റ് സിനിമയില്‍ വില്ലന്‍ റോളിലാകും സഞ്ജയ് ദത്ത് എത്തുക. വിജയ് ചിത്രം നിര്‍മിക്കുന്ന സെവന്‍ സ്‌ക്രീന്‍ സ്റ്റുഡിയോസാണ് ഇക്കാര്യം സ്ഥിരീകരിച്ചത്.
സഞ്ജയ് ദത്ത് കൂടി എത്തുന്നതോടെ ലോകേഷ് സിനിമാറ്റിക് യൂണിവേഴ്‌സില്‍ ഉള്‍പ്പെടുന്ന പുതിയ ചിത്രത്തിന്‍മേലുളള ആരാധക പ്രതീക്ഷകള്‍ വര്‍ധിച്ചിരിക്കുകയാണ്. ദളപതി 67 ഷൂട്ടിങ് ഫെബ്രുവരി ഒന്നിന് കശ്‌മീരിലാണ് ആരംഭിക്കുന്നത്. കഴിഞ്ഞ ദിവസമാണ് സിനിമയുടെ ഒഫീഷ്യല്‍ അനൗണ്‍സ്‌മെന്‍റ്‌ നടന്നത്.
വിജയ്‌ക്കൊപ്പം വീണ്ടും ഒന്നിക്കുന്നതിന്‍റെ സന്തോഷം ദളപതിക്കൊപ്പമുളള ഒരു ചിത്രം ട്വിറ്ററില്‍ പോസ്റ്റ്‌ ചെയ്‌ത് ലോകേഷ് കനകരാജ് പങ്കുവച്ചിരുന്നു. സംവിധാനത്തിന് പുറമെ സിനിമയുടെ രചനയും ലോകേഷ് തന്നെയാണ്. സഞ്ജയ് ദത്തിന് പുറമെ സംവിധായകരായ ഗൗതം വാസുദേവ മേനോന്‍, മിഷ്‌കിന്‍ തുടങ്ങിയവരും വിജയ് ചിത്രത്തിന്‍റെ ഭാഗമാകുമെന്ന് റിപ്പോര്‍ട്ടുകളുണ്ട്.
-
We feel esteemed to welcome @duttsanjay sir to Tamil Cinema and we are happy to announce that he is a part of #Thalapathy67 ❤️#Thalapathy67Cast #Thalapathy @actorvijay sir @Dir_Lokesh @Jagadishbliss pic.twitter.com/EcCtLMBgJj
— Seven Screen Studio (@7screenstudio) January 31, 2023 " class="align-text-top noRightClick twitterSection" data="
">We feel esteemed to welcome @duttsanjay sir to Tamil Cinema and we are happy to announce that he is a part of #Thalapathy67 ❤️#Thalapathy67Cast #Thalapathy @actorvijay sir @Dir_Lokesh @Jagadishbliss pic.twitter.com/EcCtLMBgJj
— Seven Screen Studio (@7screenstudio) January 31, 2023We feel esteemed to welcome @duttsanjay sir to Tamil Cinema and we are happy to announce that he is a part of #Thalapathy67 ❤️#Thalapathy67Cast #Thalapathy @actorvijay sir @Dir_Lokesh @Jagadishbliss pic.twitter.com/EcCtLMBgJj
— Seven Screen Studio (@7screenstudio) January 31, 2023
സിനിമയില്‍ നായികയായി തൃഷയുടെ പേരും പറഞ്ഞുകേള്‍ക്കുന്നു. അടുത്തിടെ കമല്‍ഹാസന്‍, ഫഹദ് ഫാസില്‍ തുടങ്ങിയ താരങ്ങള്‍ ചിത്രത്തില്‍ അതിഥി വേഷത്തില്‍ എത്തുമെന്ന തരത്തിലും വാര്‍ത്തകള്‍ പ്രചരിച്ചിരുന്നു. എന്നാല്‍ ഇക്കാര്യങ്ങളിലൊന്നും ഔദ്യോഗിക സ്ഥിരീകരണമുണ്ടായിട്ടില്ല.
ഫെബ്രുവരി ആദ്യ വാരം വിജയ് ചിത്രത്തെ കുറിച്ച് കൂടുതല്‍ അപ്‌ഡേറ്റുകള്‍ നല്‍കുമെന്നാണ് ലോകേഷ് അറിയിച്ചിട്ടുളളത്. സെവന്‍ സ്‌ക്രീന്‍ സ്റ്റുഡിയോസിന്‍റെ ബാനറില്‍ എച്ച് എസ് ലളിത് കുമാറാണ് ദളപതി 67ന്‍റെ നിര്‍മാണം. ജഗദീഷ് പളനിസ്വാമിയാണ് സഹനിര്‍മാണം.
മാസ്റ്ററിന് ശേഷം അനിരുദ്ധ് രവിചന്ദര്‍ തന്നെയാണ് ഇത്തവണയും വിജയ്-ലോകേഷ് ചിത്രത്തിന് സംഗീതം ഒരുക്കുന്നത്. മനോജ് പരമഹംസ ഛായാഗ്രഹണവും ഫിലോമിന്‍ രാജ് എഡിറ്റിംഗും നിര്‍വഹിക്കും. അന്‍ബറിവാണ് ആക്ഷന്‍ കൊറിയോഗ്രഫി.
