തിരുവനന്തപുരം: സംസ്ഥാനത്ത് 2333 പേര്ക്ക് കൂടി കൊവിഡ് സ്ഥിരീകരിച്ചു. ഇതുവരെ റിപ്പോര്ട്ട് ചെയ്തതില് ഏറ്റവും ഉയര്ന്ന പ്രതിദിന വര്ധനവാണിത്. 2151 പേര്ക്ക് സമ്പര്ക്കത്തിലൂടെയാണ് രോഗം ബാധിച്ചിരിക്കുന്നത്. ഇതില് 53 പേരുടെ രോഗ ഉറവിടം കണ്ടെത്താനായിട്ടില്ല. രോഗം സ്ഥിരീകരിച്ചവരില് 60 പേര് വിദേശ രാജ്യങ്ങളില് നിന്നും 98 പേര് മറ്റ് സംസ്ഥാനങ്ങളില് നിന്നും വന്നതാണ്. 17 ആരോഗ്യ പ്രവര്ത്തകര്ക്കും രോഗം ബാധിച്ചു. 1217 പേര് രോഗമുക്തരായിട്ടുണ്ട്. ഇതോടെ സംസ്ഥാനത്ത് ചികിത്സയിലുള്ളവരുടെ എണ്ണം 17,382 ആയി. 32,611 പേര് ഇതുവരെ കൊവിഡില് നിന്നും മുക്തി നേടി.
ഏഴ് കൊവിഡ് മരണങ്ങള് കൂടി സ്ഥിരീകരിച്ചു
ഓഗസ്റ്റ് 12ന് മരണമടഞ്ഞ തിരുവനന്തപുരം കാലടി സൗത്ത് സ്വദേശിനി ഭാര്ഗവി (90), പത്തനംതിട്ട അടൂര് സ്വദേശി ഷംസുദീന് (65), ഓഗസ്റ്റ് 15ന് മരണമടഞ്ഞ തിരുവനന്തപുരം ആര്യനാട് സ്വദേശിനി മീനാക്ഷി (86), ഓഗസ്റ്റ് 17ന് മരണമടഞ്ഞ കൊല്ലം കുളത്തൂപ്പുഴ സ്വദേശി രാജന് (56), എറണാകുളം ആലുവ സ്വദേശിനി ജമീല (53), ഓഗസ്റ്റ് 18ന് മരണമടഞ്ഞ എറണാകുളം കോതമംഗലം സ്വദേശി ടി.വി. മത്തായി (67), ഓഗസ്റ്റ് 14ന് മരണമടഞ്ഞ എറണാകുളം കോതാട് സ്വദേശി തങ്കപ്പന് (64) എന്നിവരുടെ മരണം കൊവിഡ് മൂലമാണെന്ന് എന്ഐവി ആലപ്പുഴ സ്ഥിരീകരിച്ചു. ഇതോടെ സംസ്ഥാനത്ത് കൊവിഡ് ബാധിച്ച് മരിച്ചവരുടെ എണ്ണം 182 ആയി.
രോഗം സ്ഥിരീകരിച്ചവരുടെ ജില്ല തിരിച്ചുള്ള കണക്ക്
തിരുവനന്തപുരം (540), മലപ്പുറം (322), ആലപ്പുഴ (253), എറണാകുളം (230), കോട്ടയം (203), കാസര്കോട് (174), കണ്ണൂര് (126), തൃശൂര് ( 97), പത്തനംതിട്ട (87), കോഴിക്കോട് (78), കൊല്ലം (77), പാലക്കാട് (65), ഇടുക്കി (64), വയനാട് (17) എന്നിവിടിങ്ങളിലാണ് ഇന്ന് രോഗ ബാധ സ്ഥിരീകരിച്ചത്.
സമ്പര്ക്കത്തിലൂടെ രോഗം സ്ഥിരീകരിച്ചവര്
തിരുവനന്തപുരം 519 , മലപ്പുറം 297, ആലപ്പുഴ 240 , എറണാകുളം 214, കോട്ടയം 198 , കാസര്ഗോഡ് 154, കണ്ണൂര് 122 , തൃശൂര് 89, പത്തനംതിട്ട 78 , കൊല്ലം 74, കോഴിക്കോട് 60, പാലക്കാട് 55 , ഇടുക്കി 38, വയനാട് 13. എന്നിങ്ങനെയാണ് സമ്പര്ക്കത്തിലൂടെ രോഗം ബാധിച്ചവരുടെ ജില്ല തിരിച്ചുള്ള കണക്ക്. തിരുവനന്തപുരം (7), മലപ്പുറം (5), എറണാകുളം (3), കോഴിക്കോട് (1), കണ്ണൂര് (1), എന്നീ ജില്ലകളിലെ ആരോഗ്യ പ്രവര്ത്തകര്ക്കാണ് രോഗം ബാധിച്ചത്. എറണാകുളം ജില്ലയിലെ 7 ഐ.എന്.എച്ച്.എസ്. ജീവനക്കാര്ക്കും രോഗം ബാധിച്ചു
രോഗമുക്തരായവരുടെ ജില്ല തിരിച്ചുള്ള കണക്ക്
തിരുവനന്തപുരം (224), കൊല്ലം (41), പത്തനംതിട്ട (18), ആലപ്പുഴ (65), കോട്ടയം (54), ഇടുക്കി (5), എറണാകുളം (101), തൃശൂര് (28), പാലക്കാട് (103), മലപ്പുറം (263), കോഴിക്കോട് (174), വയനാട് (12), കണ്ണൂര് (48), കാസര്കോട് (81) എന്നിവിടങ്ങളിലാണ് രോഗമുക്തി റിപ്പോര്ട്ട് ചെയ്തിരിക്കുന്നത്.
വിവിധ ജില്ലകളിലായി 1,69,687 പേരാണ് ഇപ്പോള് നിരീക്ഷണത്തിലുള്ളത്. ഇവരില് 1,55,928 പേര് വീടുകളിലും13,759 പേര് ആശുപത്രികളിലും നിരീക്ഷണത്തിലാണ്. 1730 പേരെയാണ് ഇന്ന് ആശുപത്രിയില് പ്രവേശിപ്പിച്ചത്. കഴിഞ്ഞ 24 മണിക്കൂറിനിടെ 36,291 സാമ്പിളുകളാണ് പരിശോധിച്ചത്. റുട്ടീന് സാമ്പിള്, എയര്പോര്ട്ട് സര്വൈലന്സ്, പൂള്ഡ് സെന്റിനല്, സിബി നാറ്റ്, ട്രൂനാറ്റ്, സിഎല്ഐഎ, ആന്റിജന് അസെ എന്നിവ ഉള്പ്പെടെ ഇതുവരെ ആകെ 12,76,358 സാമ്പിളുകളാണ് പരിശോധനയ്ക്കായി അയച്ചത്. സെന്റിനല് സര്വൈലന്സിന്റെ ഭാഗമായി ആരോഗ്യ പ്രവര്ത്തകര്, അതിഥി തൊഴിലാളികള്, സാമൂഹിക സമ്പര്ക്കം കൂടുതലുള്ള വ്യക്തികള് മുതലായ മുന്ഗണനാ ഗ്രൂപ്പുകളില് നിന്ന് 1,53,433 സാമ്പിളുകളും പരിശോധനയ്ക്കയച്ചു.
19 പുതിയ ഹോട്ട് സ്പോട്ടുകള്
പാലക്കാട് ജില്ലയിലെ മണ്ണൂര് കണ്ടെയ്ൻമെന്റ് സോണ് വാര്ഡ് 5), ഷൊര്ണൂര് (6), കിഴക്കഞ്ചേരി (6), കൊല്ലം ജില്ലയിലെ ശൂരനാട് നോര്ത്ത് (9), കുളക്കട (2, 3), വെളിനല്ലൂര് (2, 3), തൃശൂര് ജില്ലയിലെ കാട്ടക്കാമ്പല് (സബ് വാര്ഡ് 11), കൊടുങ്ങല്ലൂര് (സബ് വാര്ഡ് 1, 2), തിരുവനന്തപുരം ജില്ലയിലെ കിഴുവല്ലം (1), ഒറ്റശേഖരമംഗലം (10, 12), ദേലാംപാടി (3), മൂളിയാര് (8), പത്തനംതിട്ട ജില്ലയിലെ തിരുവല്ല മുന്സിപ്പാലിറ്റി (4), കുളനട (12), എറണാകുളം ജില്ലയിലെ കണ്ടക്കടവ് (സബ് വാര്ഡ് 3), പാമ്പാക്കുട (13), ആലപ്പുഴ ജില്ലയിലെ കണ്ടല്ലൂര് (8, 9, 11), കോട്ടയം ജില്ലയിലെ മീനാടം (6), മലപ്പുറം ജില്ലയിലെ വഴിക്കടവ് (6, 11, 12, 13, 14, 15, 21, 22) എന്നിവയാണ് പുതിയ ഹോട്ട് സ്പോട്ടുകള്.
ഹോട്ട് സ്പോട്ടില് നിന്ന് ഒഴിവാക്കിയ പ്രദേശങ്ങള്
12 പ്രദേശങ്ങളെ ഹോട്ട് സ്പോട്ടില് നിന്നും ഒഴിവാക്കിയിട്ടുണ്ട്. തൃശൂര് ജില്ലയിലെ മൂരിയാട് (വാര്ഡ് 9), തിരുവില്വാമല (4), പാണഞ്ചേരി (6 (സബ് വാര്ഡ്) 7, 8), വയനാട് ജില്ലയിലെ അമ്പലവയല് (2, 3), തരിയോട് (8, 9), കോട്ടത്തറ (10), പാലക്കാട് ജില്ലയിലെ നെന്മാറ (19), കാസര്കോട് ജില്ലയിലെ ബെള്ളൂര് (1, 10, 11), ഈസ്റ്റ് എളേരി (14, 15), പാലക്കാട് ജില്ലയിലെ അഗളി (9), കോട്ടയം ജില്ലയിലെ വെച്ചൂര് (6), എറണാകുളം ജില്ലയിലെ മലയാറ്റൂര് നിലേശ്വരം (1) എന്നീ പ്രദേശങ്ങളെയാണ് കണ്ടെയ്ൻമെന്റ് സോണില് നിന്നും ഒഴിവാക്കിയത്. ഇതോടെ സംസ്ഥാനത്തെ ഹോട്ട് സ്പോട്ടുകളുടെ എണ്ണം 572 ആയി.