ന്യൂഡല്‍ഹി: ഇന്ത്യന്‍ സോഷ്യല്‍ കൊമേഷ്യല്‍ പ്ലാറ്റ്‌ഫോമായ മീഷോയില്‍ നിക്ഷേപത്തിനൊരുങ്ങി ഫേസ്ബുക്ക്. സോഷ്യൽ ചാനലുകൾ വഴി ഓൺലൈൻ ബിസിനസുകൾ സ്ഥാപിക്കാൻ സംരംഭകരെ സഹായിക്കുന്ന പ്ലാറ്റ്‌ഫോമാണ് മീഷോ. എത്ര തുക നിക്ഷേപിക്കും എന്ന കാര്യം ഇരു കമ്പനികളും വെളിപ്പെടുത്തിയിട്ടില്ല. ഇന്ത്യയിലെ ഏഴ് പ്രാദേശിക ഭാഷകളില്‍ പ്രവര്‍ത്തിക്കുന്ന ആപ്പും മീഷോക്കുണ്ട്. വീട്ടമ്മമാരാണ് മീഷോയുടെ ഗുണഭോക്താക്കളില്‍ ഏറെയും. ഇവര്‍ക്ക് പുറമെ വിദ്യാര്‍ഥികളും ഗ്രാമീണ തൊഴില്‍ സംഘങ്ങളും ചെറുകിട കച്ചവടക്കാരുമൊക്കെ മീഷോയില്‍ പ്രവര്‍ത്തിക്കുന്നുണ്ട്.
ദ്രുത തൊഴിലവസരങ്ങൾ സൃഷ്ടിക്കുന്നതിനും ഇന്ത്യയിലെ സ്ത്രീ സംരംഭകത്വത്തിന്‍റെ വളർച്ചക്ക് കരുത്തേകാനുമാണ് നിക്ഷേപത്തിലൂടെ ഫേസ്ബുക്ക് ലക്ഷ്യമിടുന്നതെന്ന് ഫേസ്ബുക്ക് ഇന്ത്യയുടെ മാനേജിംഗ് ഡയറക്ടര്‍ അജിത് മോഹന്‍ വ്യക്തമാക്കി. ഡല്‍ഹി ഐഐടിയിലെ പൂര്‍വ വിദ്യാര്‍ഥികളായ വിദിത് ആത്രയ്, സഞ്ജീവ് ബന്‍വാല്‍ എന്നിവര്‍ ചേര്‍ന്നാണ് 2015 ല്‍ മീഷോ ആരംഭിച്ചത്.
