ഹൈദരാബാദ്: തെലങ്കാനയില് കോണ്ഗ്രസ് പടയോട്ടത്തിനിടെ സി പി ഐക്കും(CPI) ആശ്വാസ ജയം. ഖമ്മം ലോക് സഭാ മണ്ഡലത്തിലെ കൊത്തഗുഡം നിയമസഭാ മണ്ഡലത്തിലാണ് (CPI won Kothagudem seat ) സി പിഐ സംസ്ഥാന സെക്രട്ടറി കൂടിയായ കുനംനേനി സാംബശിവ റാവു (Kunamneni Sambasiva Rao) ജയിച്ചു കയറിയത്. കഴിഞ്ഞ തവണ കോണ്ഗ്രസിലെ വനമ വെങ്കിടേശ്വര റാവു ജയിച്ച മണ്ഡലമാണ് കൊത്തഗുഡം. (Telangana Assembly Election result 2023 in Malayalam) ഇത്തവണ കോണ്ഗ്രസ് ധാരണ പ്രകാരം സീറ്റ് സി പിഐക്ക് വിട്ടു നല്കുകയായിരുന്നു.
29 സ്ഥാനാര്ത്ഥികള് മത്സര രംഗത്തുണ്ടായിരുന്ന മണ്ഡലത്തില് ഇടതുപക്ഷത്തെ ഫോര്വേഡ് ബ്ളോക്ക് സ്ഥാനാര്ത്ഥി ജലഗം വെങ്കിട്ട റാവുവായിരുന്നു സാംബശിവ റാവുവിന്റെ തൊട്ടടുത്ത എതിരാളി. മുഖ്യമന്ത്രി കെ ചന്ദ്ര ശേഖര റാവുവിന്റെ ബി ആര് എസ്, പവന് കല്യാണിന്റെ ജെ എസ് പി സ്ഥാനാര്ത്ഥികളും മല്സര രംഗത്തുണ്ടായിരുന്നു. 19 റൗണ്ട് വോട്ടെണ്ണല് പൂര്ത്തിയായപ്പോള് 26541 വോട്ടുകളുടെ ഭൂരിപക്ഷത്തിലാണ് സി പി ഐ സ്ഥാനാര്ത്ഥിയായ സാംബശിവ റാവു വിജയിച്ചത്.
2009ല് അവിഭക്ത ആന്ധ്ര നിയമസഭാ തെരഞ്ഞെടുപ്പില് നേടിയ നാലു സീറ്റാണ് സിപി ഐയുടെ സമീപ കാലത്തെ മികച്ച വിജയം. അന്ന് ജയിച്ച എം എല് എ മാരിലൊരാളാണ് കൂനംനേനി സാംബശിവ റാവു. 2014 ല് സിപിഐക്ക് നിയമസഭയില് ഒറ്റ എം എല് എയാണ് ഉണ്ടായിരുന്നത്.2014 ല് നല്ഗൊണ്ടയിലെ ദേവര്കൊണ്ട സീറ്റിലായിരുന്നു സി പി ഐ സ്ഥാനാര്ത്ഥി വിജയിച്ചത്. 2018ല് കോണ്ഗ്രസിനൊപ്പം ചേര്ന്ന് മല്സരിച്ചെങ്കിലും ഒറ്റ സീറ്റിലും വിജയിക്കാനായില്ല. ഇത്തവണ കൊത്തഗുഡം , ചെന്നുരു സീറ്റുകള് സി പി ഐ ക്ക് നല്കാമെന്ന് കോണ്ഗ്രസ് സമ്മതിച്ചതായിരുന്നു. അതിനിടയിലാണ് ബിജെപി വിട്ട് മുന് എം പി ജി വിവേക് വെങ്കിട സ്വാമി കോണ്ഗ്രസിലെത്തിയത്. ഇതേത്തുടര്ന്ന് ചെന്നുരു സീറ്റ് വിവേകിന് നല്കേണ്ടി വന്നു. സി പി ഐക്ക് കൊത്തഗുഡം കൊണ്ട് തൃപ്തിപ്പെടേണ്ടി വന്നു. പകരം സിപിഐക്ക് രണ്ട് എം എല് സി പദം നല്കാമെന്ന് കോണ്ഗ്രസ് ഉറപ്പു നല്കിയിട്ടുണ്ട്.