ന്യൂഡൽഹി: പാപ്പരത്വ നിയമഭേദഗതി ബിൽ (Insolvency and Bankruptcy Code (Amendment) Bill 2021) പാസാക്കി ലോക്‌സഭ. ജൂലൈ 26നായിരുന്നു കേന്ദ്ര ധനമന്ത്രി നിർമല സീതാരാമൻ ലോക്‌സഭയിൽ ബിൽ അവതരിപ്പിച്ചത്. 2016ൽ നിലവിൽ വന്ന പാപ്പരത്വ നിയമത്തിന്‍റെ നാലാമത്തെ ഭേദഗതിയാണ് പാസാക്കിയിരിക്കുന്നത്.
പുതിയ ഭേദഗതി ചെറുകിട ബിസിനസുകാർക്ക് ഗുണകരമാവും.ആനുകൂല്യം ലഭിക്കുന്നതിനുള്ള സ്ഥിരസ്ഥിതി പരിധി 10 ലക്ഷം രൂപയാണ്. മൈക്രോ, ചെറുകിട, ഇടത്തരം സംരംഭങ്ങൾ പ്രവർത്തിക്കുന്ന പ്രത്യേക സാഹചര്യങ്ങൾ പുതിയ സ്‌കീം കണക്കിലെടുക്കും.
എം‌എസ്‌എം‌ഇകളായി തരംതിരിച്ചിട്ടുള്ള കോർപ്പറേറ്റ് വ്യക്തികൾക്ക് കാര്യക്ഷമമായ ബദൽ പാപ്പരത്വ പരിഹാര പ്രക്രിയ നൽകുന്നത് ഉചിതമാണെന്ന് സർക്കാർ നേരത്തേ അറിയിച്ചിരുന്നു. കടബാധ്യത കാരണം ഏറ്റെടുക്കാൻ വരുന്നവരെ മുൻ ഉടമയുടെ പേരിലുള്ള നിയമ നടപടികൾ ബാധിക്കില്ലെന്ന ഭേദഗതി നേരത്തേ സർക്കാർ കൊണ്ടുവന്നിരുന്നു.
കഴിഞ്ഞ മൂന്ന് വർഷത്തെ കാര്യം പരിശോധിച്ചാൽ പല ട്രിബ്യൂണലുകളിലും വേഗത്തിലുള്ള നീതി ലഭ്യമാകുന്നില്ലെന്നാണ് കേന്ദ്രത്തിന്‍റെ കണ്ടെത്തൽ.പ്രവർത്തനങ്ങൾ ഏകോപിപ്പിക്കാനും നടപടികൾ വേഗത്തിലാക്കാനുമാണ് ട്രിബ്യൂണൽ ഭേദഗതി അവതരിപ്പിച്ചത്.
Also Read: 'ബി.ജെ.പിയെ ഇറക്കും,ചര്‍ച്ച വിജയകരം'; സോണിയയെയും രാഹുലിനെയും സന്ദര്‍ശിച്ച് മമത
