പുൽവാമയിൽ തീവ്രവാദികളും സുരക്ഷ സേനയും തമ്മിൽ ഏറ്റുമുട്ടൽ; ഒരു തീവ്രവാദി കൊല്ലപ്പെട്ടു

പുൽവാമ ജില്ലയിലെ നൈന ബത്‌പോര ഗ്രാമത്തിലാണ് ഏറ്റുമുട്ടലുണ്ടായത്

ശ്രീനഗർ: ജമ്മു കശ്‌മീരിൽ തീവ്രവാദികളും സുരക്ഷ സേനയും തമ്മിലുണ്ടായ ഏറ്റുമുട്ടലിൽ ഒരു തീവ്രവാദി കൊല്ലപ്പെട്ടു. പുൽവാമ ജില്ലയിലെ നൈന ബത്‌പോര ഗ്രാമത്തിൽ ഇന്ന് രാവിലെയാണ് വെടിവെപ്പ് നടന്നത്. സംഭവസ്ഥലത്ത് ഒരു തീവ്രവാദി കൂടി ഉള്ളതായാണ് റിപ്പോർട്ട്.

തീവ്രവാദികളുടെ സാന്നിധ്യത്തെക്കുറിച്ചുള്ള രഹസ്യ വിവരത്തിന്‍റെ അടിസ്ഥാനത്തിലാണ് പൊലീസ് ബത്‌പോരയിൽ തെരച്ചിലിനെത്തിയത്. എന്നാൽ തീവ്രവാദി സംഘം ഇവർക്ക് നേരെ വെടിയുതിർക്കുകയായിരുന്നു. ഏറ്റുമുട്ടൽ തുടരുകയാണ്.